唔想次次去澳門都喺街排葡撻、豬扒包熱辣辣,不如試下歎住冷氣睇景食酒店自助餐,$500落樓仲有生蠔、鮑魚、龍蝦、長腳蟹任食,隨時平過香港咁話!所講的是澳門上月新開幕酒店新濠影滙的自助餐,星期六晚餐時段成人都係每位$458,真係咁抵?就等admin身先士卒會一會蝦兵蟹將話你知!

電影主題 餐廳環境繼續娘?

行入餐廳驟眼一看,雖然餐廳牆身與酒店房一樣印有菲林卷軸圖案,但配搭場內射燈與幾棵由電影海報形成的大樹,與房間娘味截然不同,電影感馬上提升,型格好多!

座位景觀對決:窗口位 vs 露台位!

想方便拎食物,當然會毫不猶豫選離食物最近的中部位置用餐,但與情人蜜友或一班朋友講求情調或靚景影 Selfie,以為窗口位實無死?其實整間餐廳均處住室內,因此窗口位都只是望賭場景;相反露台座位就有機會俯瞰模仿比華利山 Beverly Hills 的購物大道景觀,當然更勝一籌!唔好話小編無提你,想位於山之巔邊食大餐邊睇景,預約時記得講明!

幾乎八成食客甫離開座位,就第一時間排隊夾海鮮冷盤,皆因餐廳不但有蝦兵蟹將翡翠螺,更有生蠔及鮑魚供應,難怪頭一小時人龍未有散去,實行食到回本!即開生蠔當然最受歡迎,幾乎一上碟就被搶夾一空,小編都忍不住多夾兩隻,入口creamy但味道偏淡,相信是經過多清水沖去蠔穀所致,有點可惜。

鮑魚非常爽口彈牙,調味適中,而其他海鮮選擇眾多,青口、龍蝦、小龍蝦等均可選擇,而且大部份海鮮均補充速度快,值得一讚!

熟食區肉類齊全,仲有驚喜?

烤肉、牛扒、豬仔骨、咖喱、串燒等樣樣齊全,除了烤牛稍韌而失色,相信食肉獸一定大滿足,而小編走到熟食中段竟然遇上大蝦鐵板燒,是熟食其中一大驚喜!

下一頁:主題甜品點評!附小編私心推介

主題甜品得個look?

甜品區有於美國遊樂場經常出現的小食 Churros、十足十 Cold Stone 的炒雪糕、電影主題蛋糕等甜品,不過味道一般,反而拿旁邊的Cake pops 打卡 Selfie 更開心!

私心推介

小編由其偏愛烤肉部中的一盤小菜,烤焗蕃茄仔!鮮甜薄皮多汁,搶晒烤肉風頭,成為小編encore數次心水之選!

星滙餐廳

地址:澳門新濠影滙酒店明星滙二樓2113舖
電話:+853-8865-6668
收費及時段
星期一至六 6:30am-10:30am成人$218/位、11:30am-3pm成人$248/位、6pm-10:30pm成人$458/位
星期日及公眾假期 6am-10:30am成人$218/位、11:30am-3pm成人$588/位、6pm-10:30pm成人$588/位
備註:設加一、6-12歲小童半價、5歲或以下小童免費

延伸閱讀

澳門新濠影滙 Studio City – 4D「蝙蝠俠夜神飛馳」 篇 (一) @RunHotel

澳門新濠影滙 Studio City – 體驗影滙之星 (二) @RunHotel

澳門新濠影滙 Studio City – Food Court 飲食篇 (三) @RunHotel

澳門新濠影滙 Studio City – 明星匯房試住篇 (四) @RunHotel

前往澳門有哪些交通方法?

可以選以金巴港澳快線金光飛航噴射飛航,即睇澳門交通2023懶人包。到達澳門後,則可坐輕軌氹仔線,途經碼頭、機場、多間酒店及主要旅遊區,澳門自由行時交通更加方便!即刻了解一下車站地點及列車設計等資訊。而澳門酒店由設計到設施都非常出色,GOtrip編輯整合澳門近年新開酒店情報,大家可Bookmark定,即睇:澳門酒店推介

有什麼澳門好去處?

澳門有不少新設施及全新好去處,其中澳門賭場必去景點食買玩介紹,玩轉澳門!然而,澳門美食眾多,除了豬扒包,也可到各大酒店享用自助餐及打卡必去的陽台Cafe當半日文青。