「 Dinner In The Sky 」自從8月開始登陸馬來西亞之後,這個將食客懸於25樓半空的活動似乎大受歡迎,原訂只辦一個月的活動,9月加開近百場次! Dinner In The Sky 更決由每晚兩場加至每晚6pm / 7:30pm / 9pm / 10:30pm食足四餐!

 

場次多咗,玩法當然有啲唔同,既然離地賞夜景,接下來當然就係玩浪漫,求婚少不免。早前就有一對相識8年的情侶喺半空成功訂婚!

有人話「綁住唔畀走好絕」、「So Fake!!」、更加有人推測「女主角一早估到啦應該」,真相係點?你覺得真定假,即刻睇睇重溫!

神神秘秘,由蒙眼搭車去會場開始,有少少綁票Feel!

二話不說,女主角就被送上未吊起的餐桌,留意同枱的朋友,無乜表情,少少陰陰笑都無!

驚喜1:女主角被吊到好高好高,才獲准掀開眼前蒙眼絲帶,此刻已經離地幾十米,旁邊都係自己親姐妹同好友,無反面,仲笑得好燦爛!

準備開飯,似乎除了女主角,個個都估到揭盅有啲乜。

佢揭喇佢…..

多角度拍攝,捕足男主角成竹在胸嘅表情!

下一頁:空中求婚,肯定唔肯?戒指跌落街點算呢?!

 

 

驚喜2:空中求婚,其實唔到你唔應承!

情深讀白,原來兩人相識8年,由讀書工作都一齊度過,可以話係朝見口晚見面,唔怪得要製造咁與別不同驚喜!

時間關係,情深對白Skip咗,女主角直接Say Yes!(睇返上圖,男主角後面個四眼仔依然係全程無乜表情,都唔幫下手……無乜義氣啊!)

 

 

就在女主角答充前夕,有細心望民發現有同枱食客卦住自拍,不過傳聞好快被網上留言反駁,因為女主角的親戚於fb現身證實嗰位係女主角妹妹,當時係好緊張地幫手用多角度拍攝未來姐夫求婚讀白!

事到如今,唔使多考慮,女主角爽快I Do,然後開心yeah!

 

介紹返:Dinner in the SKY 早幾年於歐洲出盡風頭,每次都食客將捧上特製餐桌,由吊臂升至25層樓高空,一邊吹風腳震一邊享用美饌,感受「怕與歎的邊緣」嘅快感!今次馬來西亞站菜式將加入東方元素,以往出現過的鵝肝魚子醬將改成炭燒和牛和泰式沙律,並全程由當地希爾頓酒店負責主理。不過最驚喜的要數今回晚宴定價相對親民,收費較於歐洲舉行時平足一半,都算係離地生意下凡塵喇!

Dinner In The Sky Malaysia

舉行時間: 2015年9月1日至31日(每晚4場)
地點:吉隆坡塔停車場

收費:RM699/約HK$1,256
查詢:www.dinnerinthesky.my