身為一位毒男,相信都會經常自己一個自得其樂,例如一個人食飯、一個人行街、甚至一個人睇戲。而日本嘅毒男比率絕對唔比香港少,其實喺大部分嘅食肆內見到咁多一個座位就體現出呢種現象,咁唔知大家又知唔知,一個人唱K喺日本都有相當大嘅需求?今次我想同大家介紹一下日本嘅一人專用K房。

位於大阪梅田小松原町既商店街內,各種娛樂場所林立,但路中心有一間小小嘅卡拉OK店可算係眾多店舖之中最鶴立雞群嘅一間,因為佢係全大阪唯一一間一人專用嘅K房,以下落嚟就比大家欣賞一下一人K房到底係D咩一回事啦!

1人K房點收費?

首先講解一下呢種K房既收費,假日收費每小時580YEN,汽水、咖啡、茶等免費任飲,咁睇落其實都唔平,另外要租耳筒既話就要加多100YEN(可自備),咁究竟點解唱K需要耳筒呢?下面即將詳述。

 

下一頁:1人K房大揭秘 器材勁專業!

 

原來所謂嘅一人K房只係一間十幾廿呎既狹小嘅隔音房間,有一張枱同一張椅,而枱上有各種卡拉OK嘅設備,最值得一提嘅係一人K房用嘅mic係condenser mic,其收音效果極佳同接近原聲;另外枱上更設有效果器,但對音樂認識接近零嘅我係唔識用呢舊野….雖然好多專業嘅設備都好齊全,但係房內係冇任何音響設備,人聲樂聲需要靠耳筒輸出,咁樣聽聲入key都容易啲。


至於卡拉OK機既功能都唔簡單,呢間1人K房有兩款機體可供選擇,分別有JoySound同LiveDam,而我就只係試左LiveDam呢款機。其中有個「精密採点」功能非常有趣,呢個功能係喺歌唱者演唱中紀錄歌曲嘅聲軌,然後分析歌唱者嘅音程、安定性、表現力、旋律同長/顫音技巧,綜合呢幾種元素再歸納出一份小報告比歌唱者參考,究竟歌唱者係屬於「世界級音準」定係「五音不全」?試一試呢個功能就一目暸然。

下一頁:唱完就走?睇埋勁專業評分先!

以下係我嘅歌唱成績表,等我又為大家講解一下報告內容啦!

大數字係歌唱者嘅總分數,而下面嘅細數字係綜合出全國LiveDam使用者嘅平均分數。

圖表紅色代表全國平均,藍色代表歌唱者嘅能力值,當兩者重疊可即時對比兩者能力之間嘅差別。隔離嘅折線圖係記錄歌唱者演唱時嘅音程,亦即係升降Key,如果唱得愈接近原唱分數會愈高。

港喱成績大分析:

《アリス九號. – Mirror Ball》節奏感優異,如改善不穩定的音程與音節會更好。

《ナイトメア – the World》音程大致上掌握得到,下次演唱時可加多少少高低起伏會更好。

《Raphael – 夢より素敵な》歌唱技巧與高低音方面都掌握唔錯,令人(難!?)聽出耳油….

《L’Arc~en~Ciel – My Heart Draws A Dream》 (因為我嘅音域太窄,所以呢首歌我會唱得極難聽….) 飄高音時會覺得好辛苦嗎?試下唔好卷舌唱歌喉嚨會舒服一啲


實試後感:

1.喺房內聽唔到隔離房啲聲,但出面就聽到
2.1人K房雖然毒係毒啲,但係對於練歌嚟講不失為一個好地方。

店舖資料:

【店名】ひとりカラオケ専門店 カラワン
【地址】 〒530-0018 大阪府大阪市北区小松原町4-27 小松原MDビル1F
【時間】24小時營業
【定休】年中無休

=================================================

Facebook page: 日本住人港喱啲

=================================================

延伸閱讀:

一個人旅行,真的孤獨嗎?@健吾

USJ進擊的女巨人終於係2016打到你眼前!

日本關西滾軸滑梯4大精選熱點

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

大阪有什麼好去處及景點推介?

大阪自由行必去這些景點,當中包括USJ大阪環球影城,即睇USJ門票及交通攻略。然而,去旅行怎可忽視美食部分?必到這些人氣美食餐廳,當中更有蟹宴放題平價米芝蓮餐廳之選。另外,不得不到溫泉旅館/按摩店溫泉主題樂園全新門真大型三井Outlet商場臨空城OUTLET。準備到日本賞櫻花的大家,可預先一看日本櫻花花期預測