朋友早前推介左我一個東京美食,叫我黎到東京必定必定要去食,見佢講到咁誇張,即管去見識下呢個東京美食係咪真係咁好味!講緊既就係尼間位於秋葉原嘅「牛かつ壱弐参」

長龍店 – 等接近1個鐘

由於朋友一早同我講左係要排好耐隊,我亦都有排隊嘅心理準備,我係晚上大約7點半到達,到左差唔多8點半先入到去食!

等左咁耐,就係為左佢啦-吉列牛扒定食!

唔好睇佢係炸物就以為好油膩,我可以話你聽係一啲膩感覺都冇,外脆內軟,肉汁豐富,真係非常好味,朋友果然冇介紹錯,而我非常欣賞佢將牛扒分割成好多15小份,令我可以享受到15次嘅美味!大家可以見到入面嘅牛係接近全生,我都唔知佢點做到,口感一流,總之就非常好味。

大家可以見到入面嘅牛係接近全生,我都唔知佢點做到,口感一流,總之就非常好味~

而且價錢仲唔貴,成個定食都係1200YEN,尼個價錢食到咁美味嘅食物可以用超值黎形容!

而我仲極力推介配合中間嘅醬汁,係一啲帶芥末成份嘅醬汁,兩者放埋一齊係完美配搭。你亦都可以直接配WASABI食,但我都係覺得配左圖醬汁夾啲。

下一頁:教埋你點去!

要排成個鐘先食到除左因為太好味之外,仲因為成間鋪只有13個位置,好細間,所以大家食完就快點離開,留返個位比下一批等位嘅人食。

咁究竟點樣去到,首先秋葉原站電器街口出,再到達秋葉原最出名嘅電器大街,一直行8-10分鐘,再配合GOOGLE MAP地址就好易搵到啦!

牛かつ壱弐参

東京都韆代田區外神田 3-8-17

貝遊日本FB:https://www.facebook.com/plovejapan/

貝遊日本YT:https://www.youtube.com/c/貝遊日本

延伸閱讀:

【日本初體驗】local tour一日遊 富士山下搭纜車摘葡萄

日本溫泉之首 草津溫泉一日遊 @貝遊日本

【東京攻略】旺中帶靜!吉祥寺必玩必食行程