撰文：CY｜圖片來源：百樂酒店
限時激減6折！酒店住宿連自助餐/雙人早餐 包延遲退房人均$379起
百樂酒店（Park Hotel Hong Kong）位於九龍區鬧市，勝在附近夠多嘢行，又未至於雜亂，因此成為不少港人的抵玩Staycation之選。最近，百樂酒店推出Staycation酒店住宿優惠，限時激減6折，只需要$757起，就包入住一晚高級客房，連$600餐飲消費禮券。如果嫌$600餐飲消費到喉唔到肺，可以再加至$986或$1,283，改為歎自助午餐或自助晚餐，盡情歎各式海鮮、壽司和魚生。
百樂酒店「台灣原味道」自助午餐
百樂酒店自助餐價錢貼地，所以都頗受大家歡迎。今期自助午餐主題為「台灣原味道」，食客可以食盡台灣風味各式美食，包括台式鮮蝦火腿蛋餅、台式鹽酥雞芋圓糖水，另外仲有冰鎮海鮮拼盤，夠晒豐富。
百樂酒店「龍蝦．鮑魚嚐鮮盛宴」海鮮自助晚餐
至於自助晚餐主題為「龍蝦．鮑魚嚐鮮盛宴」，睇名已經知道夠豐盛，有三重芝士焗龍蝦伴蠔皇鮑魚時蔬、鮑魚野菌撻、鮑魚蟲草花杞子燉烏雞湯等美食，亦可以任食瑞士MÕVENPICK雪糕。雖然受疫情影響，將會暫停提供生蠔，不過百樂酒店改為提供麵包蟹、小龍蝦和翡翠螺（冰鎮海鮮）和避風塘炒龍蝦，都相當滋味。
