(Presented by SK-II)
現代人去旅行的重要任務當然是影相呃like，仲要帶勁多衫好似行show咁。話說月頭撲到last minute平機票飛首爾玩濕身夏祭加水上樂園，掛住襯十幾件泳衣，搞到最後又冇時間又冇位放護膚品，膽粗粗將枱頭平時少用嘅護膚品掃落袋，不過誤打誤撞，剩係帶咗幾樣救命產品。依家同你哋介紹下我呢次旅程先。
Day 1－落機要保濕：自製神仙水mask
好鍾意去旅行，但好憎搭飛機。主要原因係機艙內的濕度得0-20%，次次搭完都覺得皮膚啲水分被抽乾。尤其是今次搭凌晨機，落機後返到酒店，望一望塊鏡，嘩！啲紋浮晒出嚟，個樣殘到自己都驚。
此時此刻，最好當然係敷個保濕急救mask，但打開行李箱就發現，我．根．本．冇．帶．面．膜。不過又命不該絕，竟然化妝袋暗格有一小袋壓縮面膜紙，應該係上次去日本用剩的。於是將神仙水狂倒落面膜紙度，自製一個超保濕神仙水mask。敷完後，真係乾紋變到冇咁明顯，化妝嗰陣都冇咁浮粉，成功可以影到呃like相。睇番原來神仙水含有90%王牌成分PiteraTM。所以，今次真係終於知點解叫佢做神仙水。神仙水，喺旅程的第一個晚上就救我塊面一命！
行程第一日，即去京畿道水上樂園Caribbean Bay玩樂園於上年新開張的巨型滑水梯Mega Storm。刺激完試埋個19米垂直Tower Boomerang Co滑水道，排下隊又玩下咁，基本上曬足成日。雖然話做足防曬措施，但返到酒店就發現啲皮膚又紅又乾。
呢個時候，皮膚處於一個好脆弱嘅狀態，唔建議用任何美白產品。所以，第一樣要做嘅，就係——紓緩。正所謂，呃like相唔易影。要喺有限嘅資源達到最大目的，突然諗起聽人講過神仙水入雪櫃仲正，於是試下啦！沖完涼後，用雪凍咗嘅神仙水沾濕化妝棉，然後敷臉上泛紅皮膚5分鐘。用完之後，皮膚冇咁乾，又冇咗痕嘅感覺，即時保濕、急救效果一流。雖然會用咗好多神仙水，不過喺呢個時候不能再慳啦！
Day 3＆4－狂食後遺症
玩完水上樂園，第三日開始進入瘋狂食嘅階段。其實係癲嘅，一日之內食咗一次炸雞一次韓燒再加一次醬蟹。可能實在食得太過分，夜晚返到酒店開始覺得有啲喉嚨痛。加上間酒店麻麻哋，晚晚都瞓得唔好，所以第二朝起身就發現連啲皮膚都暗啞乾燥兼有少少想爆瘡咁。喂，今日本來係諗住去南山塔影靚相的，咁依家點算先？
望一望個袋，都係攞番支神仙水出嚟救命。直接倒咗啲神仙水落化妝棉度，然後輕拍塊面，再用神仙水沾化妝棉敷嗰粒我超驚會爆嘅瘡度。敷完之後，粒瘡好似又冇咁紅。經過呢次之後，我發現懶人旅行必備神物——SK-II神仙水。呢次旅程幸運地掃咗佢落袋，解救咗我皮膚喑啞、乾嘅問題。經過呢次之後，佢變咗我嘅must-have item。
Save