早前有紙包飲品品牌推出復刻版包裝,不過價錢絕冇復刻,平均1包都要7、8元。想重回以往2、3元便買到紙包飲品的日子?即帶你到平民連鎖 街坊超市 ,裏面有齊紙包、罐裝、支裝飲品,最基本的紙包檸檬茶,$10.9/6包,除番開$1.8/包,激抵!除了飲品,零食類貨品亦價錢合宜,馬上到場內掃番轉,為家中或公司的飲品、零食基地添新貨!
撰文、攝影:Katie(原文刊登於《新假期》網頁)
激抵價!$1.8/包檸檬茶!街坊雜貨超市
到雜貨店買飲品,一定比便利店或超市便宜。這間街坊連鎖超市,分店主要遍佈在九龍區,新界有2間,港島則有1間,位於筲箕灣。
店內有齊食品、日常用品等。最抵買的,莫過於飲品,紙包、罐裝和支裝飲品,紙包除番開最抵只需要$1.8,在學校小賣部都買不到這個價錢吧!款式方面,最基本的檸檬茶、菊花茶、維他奶都齊全。罐裝飲品則有咖啡、奶茶和汽水。至於支裝,比較特別的,是有推出支裝綠寶,價錢雖然不及小時候,不過,現售價都不過分,愛懷舊的朋友,可以試試。
飲品類-紙包飲品
飲品類-罐裝飲品
罐裝飲品,基本的汽水都齊備,亦有綠茶、荔枝玉露等,其中新奇氏橙汁最平,$2.5/罐。你可能會質疑,標價如此低,是否就嚟過期?非也,橙汁的到期日為2019年,還有2年時間喔!
零食薯片類
零食方面的選擇都多,有薯片、糖果、朱古力等等,價錢比大型連鎖超市低,買定放喺公司悶悶哋過口癮最適合不過。
日常雜貨類
價錢雖然都平,不過與坊間的個人護理店貨品價格相距不大,未去到非常便宜的程度。
在深水埗分店,一進店內已經看到減價宣傳紙貼滿兩旁牆壁,非常街坊。