撰文:Mandy@漫.遊世界|攝影:Scott

300呎長 璃光星河 超浪漫

相信大家都仲記得,去年新城市廣場的巨型玻璃花海,今年花海變成星河,一個個圓形波波燈,加上可以許願的星河,影相超靚!

叫得做璃光星河,最注目的當然是場地中間的巨型河流。只要在商場內消費,就可以獲得一個星願球,每個球內都有不同的配飾,揀啱心水就可以放到星河中許願,感覺就像日本傳統祭典中的放水燈一樣。

而以電子消費滿$800,就可以到玻璃屋內,親手製作星願球,現場有超過50款不同款式的配件,可以自由配搭,而且許願後可以把星願球帶走,留住浪漫回憶。

除了璃光星河,旁邊的波波燈海也是必影位,雖然去年的玻璃花海製作上比較考工夫,但一個個圓形的球體,既像小型星球,又像珍寶珠,夢幻得來又帶點可愛。

如果想避開人潮,其實另一邊的花園拍照效果亦十分好看,雖然沒有特別主題的燈飾,但普通紫藍色的燈海,加上幾棵聖誕樹,已經好有氣氛。

除了燈飾,今年亦增設了鏡屋,空間雖然不大,但因為鏡面效果,拍照出來亦非常特別,很有萬花筒feel。

璃光星河 Milky Way In Town

地點:沙田新城市廣場1期7樓星光花園(顯示地圖
日期:即日起至2017年1月15日
時間:12:00nn-10:00pm (12月16 日至1月2日逢星期五、六、日及公眾假期將延長至11:00pm)