夏天駕到,我要同陽光玩遊戲!但齋去沙灘乾曬,又要被怪叔叔眼甘甘總不是味兒,不如走入愉景灣沙灘的巨型 吹氣迷宮 亂闖一番。沙灘迷宮長 75 米,總面積達一萬呎,記者率先試玩時,花近 3 分鐘才成功逃出生天,唔使錢又可親親陽光,快點約埋成班朋友去挑戰下!迷宮見!

迷宮差不多橫越半個沙灘,又長又大,而且轉角位多,又毫無任何標記,轉錯一個彎都會迷路。迷宮分 1 米、1.3 米及 1.8 米三個高度,每關均有出口,若最矮一關也有困難,記者建議你早走早著。

障礙物增加難度!

好好玩但好熱,諗住全速狗衝快點衝線,但原來在沙上跑好吃力,而且路中有多條障礙物,一不小心就好易跌低!

小心!天降巨波~

闖關途中更隨時有天降巨波,要大家左閃右避衝刺。整體比想像中易玩,可能對路盲有難度,但其實只要跟著障礙物走就基本上冇死。

報仇秘技!消暑水槍

迷宮外更設水槍高台,唔玩迷宮的路盲們可怒射仇家。識玩當然要搶佔高地,用水槍狂射仇人。例如坐你隔籬,你又忍佢好耐的同事。但在烈日下玩真心熱,有水槍降降溫,仇人射都照行埋去呀!

同場加映:沙灘傘椅畀你relax下

現場亦設有二十多張沙灘椅及沙灘傘供大家免費使用。畀你玩完休息下,欣賞下愉景灣的優美景色!

愉景灣夏日沙灘迷宮
日期:即日起至  28/8(星期四至星期日  11:00am-5:30pm)
地點:愉景灣大白灣沙灘
備註:免費,另有淋浴設施、沙灘傘及沙灘椅免費使用

下一頁:周末好去處|享受人生睇住靚景 BBQ

延伸閱讀:

$17 就有得瀡 | 玩齊香港 9大 滑水梯 (附開放時間)

夏天為大地帶嚟酒水 | 淺水灣沙灘 任飲手工啤