難得周末好天氣,班朋友又得閒,梗係去行山啦!但平時少行山,地圖又唔識睇,唔通靠哂 Google Map?遇上迷路要求救;電話收唔到點樣做?依個年代仲有山賊?基本野外求生你要識,即刻睇睇5個 行山求救 安全需知:

1) 標距柱有用?

  • 行山唔清楚自身位置,可以看看標距柱編號,在郊遊徑上每500米就有一個。例如麥理浩徑是 M 字頭;衛奕信徑是 W 字頭;鳳凰徑是 L 字頭;港島徑是 H 字頭;其他地區都是 C 字頭。

2) 唔係政府郊遊徑點求救?

  • 如果唔熟悉路線,或行走的不是正式郊遊徑,想清楚自身位置,最快是向迎面而來的路人查問前路,或者查看地圖。
  • 使用電筒發出閃光或吹哨子發出求救訊號,同時切勿再往前行,以免消耗體力。
  • 上唔到網睇定位,又找不到原路,就快天黑開始驚,都要保持冷靜!報警求助時,可以向對方說明沿路可見景物,盡量提供環境資料。

3) 有人受傷點做好?

  • 差錯腳跌倒受傷,或者更嚴重如墮崖事件,同行者一定要保持冷靜,先確保自身安全,再盡快報警,盡可能安慰對方。
  • 如身處漁護處的郊野公園、遠足徑上,可以使用「緊急求助電話」。按下按鈕,告訴對方你的所在地或電話站的編號,加快救援進度。記得保持冷靜,講清楚所在位置,傷者人數、傷勢、有沒有施行急救,其他同行者是否安全。

4)依個年代仲有山賊?

  • 千祈唔好掉以輕心!獨行俠、行夜山的朋友,記得「輕裝上路」切勿攜帶大量現金或貴重財物。首飾、信用卡等行街先用到的就不需攜帶。劫案多發生在單獨行山人士身上,所以最好與多位朋友結伴同行;出發前將行程、大約完成時間通知不參與是次活動的親友。
  • 年長親友去行山,提提佢帶備行山杖旁身。電話、銀包應放好或放入背囊,財不可露眼,也防止走動時掉下。如不幸遇劫,應保持鎮定,別作無謂反抗,同時記認賊人容貌口音特徵,方便報警認人。