踏入12月,又到咗聖誕、除夕兩大節慶!香港都陸續都有不少嘉年華開幕,等大家開心迎聖誕,但個個名都差唔多,邊個喺中環?啟德係咪有新野搞?想影靚相又應該去邊個?唔洗叫救命,今次GOtrip就同大家搜羅了香港3個熱門嘉年華/冬日節的資料,同大家做個大比拼解構,睇下邊個最岩你心水。

 12月25日更新:【東華慈善嘉年華】開幕瀨嘢 5 宗罪 & 免中伏攻略

 12月23日更新:【東華慈善嘉年華】點樣搭車去最方便?

 12月22日更新:【東華慈善嘉年華】逐一解答!出發前必讀 9 大Q&A

 

1. 東華慈善嘉年華 玩全球新 ride 同時做善事!

今年東華三院首次舉辦慈善嘉年華慶祝成立145周年,每售出一張慈善票,主辦單位就會率先捐出港幣40元予東華三院,活動收益的十分之一亦會撥捐東華三院。最抵玩係購買「東華三院慈善票」門票仲另加送購物禮券。大家可以盡情玩之餘,同時做埋善事。

基本資料:

地點:前啟德機場跑道(鄰近啟德郵輪碼頭)

日期:2015年12月21日-2016年3月28日

時間:2015年12月21日-2016年1月3日:11:00-23:00

2016年1月4日開始   平日:15:00-23:00   星期五、六、日及公眾假期: 11:00-23:00

(最後入場時間:活動結束前45分鐘)

門券:原價門票$180、東華三院慈善票$145(機動遊戲面值$120、攤位遊戲面值$40、入場費$20)

*優惠門票數量有限,售完即止。

賣點:

去到嘉年華,識玩緊係玩刺激到爆的機動遊戲。嘉年華以新世代科幻想像為主題,集合世界級最新機動遊戲和攤位。有高27層樓的跳樓機、瑞士創新製造全方位360度高速迴環旋轉的「陀飛輪」等,挑戰玩家瘋狂極限。

關於嘉年華機動遊戲:【東華嘉年華2015】啟德機場跑道5大機動遊戲曝光

岩岩既介紹太刺激唔岩你,唔緊要!想浪漫的有雙層旋轉木馬,又有鞦韆樹等大家可以重拾兒時回憶,重點推介有長33米的超级滑梯首度亮相香港。

評分(5粒星為滿分)

遊戲種類:★★★★★
刺激度:★★★★★
親子度:★★☆☆☆
影相位:★★★☆☆

網上售票按此

下一頁:AIA嘉年華終於有新野?

延伸閱讀

【陪你過聖誕】走勻香港 9大聖誕燈飾佈置好去處

【秋天好去處】香港登山路線推介:3條港島登山路線

【擁抱芒草海】上大東山前必須知道的10件事(2015更新版)

2. AIA嘉年華新搞作 外國勢力紫牛重振聲勢?

香港AIA嘉年華相信大家都不會陌生,上年2014年就吸引近80萬市民入場,但甩轆新聞同樣多,機動遊戲故障無得玩、攤位遊戲無新意等負面印象慢慢湧現。今年12月再次返到中環,一如以往橫跨聖誕節、除夕、農曆新年及情人節四個節日,去到2月先結束,而且會新增紫色牛牛劇場同機動遊戲,未知會否耳目一新呢?

基本資料:

地點:香港中環海濱活動空間
日期:2015年12月17日 – 2016年2月21日
時間:11:00-23:00
門券:成人$125(包10個代幣) 小童(3-11歲)、長者及殘疾人士$90(包7個代幣)

新機動遊戲夠刺激?戶外溜冰場夠氣氛

大會話今年會從歐洲引入多款新機動遊戲,現已起航運送來香港,但根據上年經驗,機動遊戲組裝後仍要經機電署檢查才可運作,所以會否如啟德的陀飛輪一樣刺激仍是未知之數。加上有網友指去年機動遊戲太單一,「全部都係轉黎轉去,以前起碼有過山車,跳樓機」,因此小編對刺激度不抱期望。相反場內有號稱全港最大的戶外真雪溜冰場,反而為不夠冷的香港加添一點冬日氣氛。

終於有新野!紫色吹氣牛睇表演

嘉年華其中一個驚喜,就是英國紅爆的巨型紫色牛牛Udderbelly會同大家見面。其實它是一個吹氣流動劇場,肚內可以容納400多個觀眾。嘉年華期間,牛牛劇場每日都有不同表演上演。提提大家,AIA今年仲新增了以歐洲地標為主題的拍攝區,內裡有比薩斜塔、大笨鐘等地標,以3D技術呈現,記住帶定相機啦!

評分(5粒星為滿分)

遊戲種類:★★★★☆
刺激度:★★★☆☆
親子度:★★★★☆
影相位:★★★★★

下一頁:香港繽紛冬日節 節目伏味濃?

延伸閱讀

【陪你過聖誕】走勻香港 9大聖誕燈飾佈置好去處

【秋天好去處】香港登山路線推介:3條港島登山路線

【擁抱芒草海】上大東山前必須知道的10件事(2015更新版)

 3. 香港繽紛冬日節 節目少兼伏味濃??

每年經過中環皇后像廣場都見到「香港繽紛冬日節」的大型聖誕樹,影完相打卡就算數。但除此以外,原來香港除夕倒數、維港煙花表演,以及於文化中心外的3D光雕匯演同樣是繽紛冬日節的節目之一!

基本資料:

地點:中環皇后像廣場
日期:2015年12月4日至-2016年1月1日
時間:2015年12月4日 20:00-23:00
2015年12月5日至2016年1月1日 17:00-23:00
2015年12月24日及31日 17:00-24:00

費用:全免

現場可一邊享用熱朱古力及色彩繽紛的意大利傳統糖果Confetti,一邊欣賞燈飾,現場所有收益將撥捐救助兒童會。冬日節就無機動遊戲玩,節目分散,不過勝在費用全免,有時間黎影相,睇表演都幾熱鬧。

評分(5粒星為滿分)

遊戲種類:★☆☆☆☆
刺激度:★☆☆☆☆
親子度:★★★★☆
影相位:★★★★★

延伸閱讀

【陪你過聖誕】走勻香港 9大聖誕燈飾佈置好去處

【秋天好去處】香港登山路線推介:3條港島登山路線

【擁抱芒草海】上大東山前必須知道的10件事(2015更新版)