大家好,小姓白,名叫龍。唔熟我嘅人都叫我龍哥,識得我嘅,都係叫龍哥。眨下眼就到咗2047年,一國兩制正式玩完,真係可喜可賀。

公園變商場 港人住進棺材房

我黨早就喺 1997 年開始,慢慢將香港大改造。50 年後嘅今日,香港已經變成一個大商場。

除咗商場仲有乜?冇㗎!所有住宅都變晒商場,用雜物室劏開幾十份,畀你哋瞓㗎咋!

公園都變晒商場喇,反正香港公園又唔畀踢波,又唔畀踩單車,又唔畀滑板,要嚟做乜啫?改建做商場仲實際啦~

香港走水貨掃名牌 搵錢強過打工仔

我知道㗎,一直以嚟,你班港燦都唔鍾意我哋大陸人,但哥就係有錢,你吹咩!我依家仲喺香港平台 GOtrip 寫專欄,幾鬼威風。

不過咁,講個秘密你知,唔好以為我哋大陸人嚟買名牌就好有錢,其實啲錢係走水貨賺番嚟。

我朝早買完個名牌包包,下午再去上水走兩轉水貨,炒下波鞋手機咁,轉個手就賺番個包包錢。

香港變商場城市 為同胞服務

其實好多水貨同業都知你哋鬧緊我哋,but so what?港燦咪又係鍾意炒 iPhone,每年新 iPhone 一出,深圳華強都迫滿晒你哋班港燦嚟放手機,想賺錢咋嘛!

依家全香港都變晒商場,全部香港人都為我哋強國同胞服務咪幾好。

你哋最擔心嘅工作問題,我黨一早幫你哋諗好晒。全香港人都做售貨員,熟悉電器就賣電器,熟時裝就賣時裝,識煮食就去做food court,乜都唔識嘅……

咪做清潔囉!我哋強國人,一急就要屙,邊搵得切廁所啊?!反正你哋有人清潔,我屙舊屎都係提高香港就業率咋!

其實說穿了,你哋港燦不嬲都鍾意服侍我哋強國人㗎!十幾年前大約 2000 年,藥房愈開愈多,名牌包包店又愈開愈多,街頭小食剩係做大陸人生意。

就連旺角嘅行人專用區,都被大媽歌舞團霸佔晒啦!你哋冇留意到咩?咁梗係啦!你哋掛住返工,邊有時間留意香港被一步一步侵蝕吖~

下次見到我龍哥,記住大聲講句歡迎光臨,我屙完屎要講謝謝款待。不過記住,要用普通話講啊!我龍哥唔識聽廣東話!

延伸閱讀:全世界最唔鍾意香港的,就係香港人