早前 blogger 藍橘子發布咗想坐得舒服就唔好坐廉航啦!文章,講述 3 種乘坐 廉航 時遇到令佢反感嘅事情。其中一種就關於廉航上有乘客全程拉低椅背,只顧行使 廉航 權利,不顧筆者及他人感受。此文一發布,引來網民們不同的反應,你又點睇呢?

文章一出,就有唔少人表達意見,主要分為 2 派-「有得挨就挨到盡」vs「同坐一艙顧下人感受」,雙方各持己見,爭論不休。

Team A : 支持有得挨就挨到盡!

老老實實,呢個的確係 廉航 設計上一個大漏洞,機仔細細,又要慳位但又係要設計可以拉後嘅座位。不過,我畀得錢就可以盡用㗎啦!你話係咪先?

飛機座椅本來設計就係畀乘客挨後, 有乜理由唔畀人哋用?

其實我真心唔明點解椅背拉低係乞人憎?張椅嘅設計係可以拉低,如果會影響其他乘客,咁係個設計嘅問題,唔係坐嗰個人嘅問題囉!

「張櫈設計出嚟畀人挨,唔可以話人唔啱。」

有網民認為應該「對準政權」,向航空公司投訴而唔係互相埋怨。

Team B:顧下人感受,唔好去咁盡好喎!

另有網民認為,即使 廉航 有拉後椅背的設計,亦不必盡用權利,需要有同理心,照顧他人感受。

可以挨後,但唔好咁過分拉到盡,將心比心啦,做人唔好太自我中心。

有權你就用到盡,咁你同689有咩分別?

其實無論遇上咩情況,喺公眾地方行使權利之餘,都要關心他人感受,唔想成日見到「香港人出遊失禮事件簿」,自己都要有番啲同理心,唔好有著數就攞到盡啊!