今天(10月27日)開幕的澳門全新娛樂場新濠影滙,大廈穿窿的摩天輪「影滙之星」最為矚目;之前介紹過試搭報告按此重溫),有網民坦白回應「兩面都係一望無際嘅爛地工地~真係不得了」,踩到一文不值,不過入夜之後,景觀又唔同講法

,大廈本身亮燈以外,原來搭15分鐘摩天輪,上到頂係可以望到對面街的銀河酒店大樓,難得日夜票價都係劃一收MOP100,咁似乎比起灰茫茫的日景,多返少少價值!

入夜誇啦啦 遠望原來係銀河

即睇網民拍攝的夜景:

原來望向橫琴方向,可以睇見銀河酒店一&二期的主樓,對比起橫琴工地的點點燈光,叫做有啲嘢睇下,不過由於係競爭對手,無理由推介你「遠眺銀河酒店夜景」,相信新濠影滙自己就唔會拎嚟做賣點嘞!

其實摩天輪喺黃昏時間,景觀都唔錯,至少比起日光日白睇工地,天色點都靚少少:

就算係透明玻璃車廂,入夜亮燈後的景色,都更加有科幻感覺,總結一句:識得搭真係要Book晚間場嚟搭!(編按:「影滙之星」平日由中午12nn開到夜晚8pm;周六日就由11am開到9pm

心得總結:日頭上去,兩邊個view都係睇地盤;既然收費無分時段、門票同樣都係MOP100,一致公認,夜景呢15分鐘,係好睇啲(不過千祈唔好手震)


去片(胡穌佬娛樂頻道@youtube):

https://www.youtube.com/watch?v=h3-gS8asm_w