日本一向發明好多新奇有趣的文具，所以文具控通常好難抗拒！即為大家介紹 10 款有趣又實用的 可愛日本文具 ！
01 | 櫻花打窿機
「如有天櫻花再開⋯⋯」，雖然用櫻花打窿機唔會有櫻花出現，但係就可以製造好多櫻花形狀的紙，可愛度爆燈！
02 | 可撕的貼紙
平時大家送禮物俾人，寫卡俾人都可能會包裝得好靚俾人。如果人哋仲用好靚的包裝紙，可能你會好小心去撕張貼紙，但幾小心都好，都會撕爛咗少少。但係現在又唔驚喇，因為貼紙中間有條虛線俾大家，咁就唔怕會整爛啦。大家可以買好靚的包裝紙包住禮物送俾人！
03 | 静電便利貼
貼便利貼又怕佢會貼唔實，太實又怕佢會有印。但静電便利貼可以 360 度都貼到，仲要雙面用得又唔會留痕！
04 | 可掛得夾仔
又掛得又夾得的夾，仲唔係俾大家可以夾下相，又或者 Memo，跟手掛起佢！就算係房用定 office 用﹐都係一個好裝飾同方便自己望到的小文具。
05 | 隨身黏黏筆
平時膠水或漿糊筆都唔方便帶係身，仲要有一定的粗度，如果重手咗，就無得返轉頭！但係今次介紹的，係幼幼地同可以自己控制多少的黏黏筆，隨時將任何紙做 memo都得啦！
06 | 印仔電話貼
又印又貼，即係點？就係一個蓋章，印有電話模樣，之後可以當留言咁寫低張 memo 話俾人知，你搵過佢！ 坐 reception 的大家，平時寫紙話人知邊個打過來，如果印下印仔，可能可以增加工作樂趣。
07 | 黑板配尺子
細細個有無幻想要扮老師係黑板上寫字？但係當上到數學堂就會見到老師，好難去寫字或者畫圖。因為老師左右手都唔得閒，左手拎住三角尺，右手就要係上面畫線，男老師可能都叫大力可以拎實，但係女老師就會唔小心咁拎唔實！要扮老師扮得有模有樣，咁就啱你喇！
08 | 人仔托印仔
日本人係要用印章去簽收好多的文件，所以這一個發明都係專為佢地而設。當人仔托起印章，就算印章幾微小都可以發現到！
09 | 小小吸塵機
有無諗過如果可以有一個小吸塵機係可以吸枱面會係幾美好，日本又發明咗方便人清潔的小工具！
10 | 小雨傘大作用
唔好以為係一個裝飾品，其實係靚得又實用，真係睇得又用得！打直係一個裝飾，倒轉就可以裝嘢！