東京富士急 呢一部鮮紅色路軌嘅「超大型滾輪式 過山車 」,係全球第2部4D 過山車!全程倒後行,加上座椅會360度自轉嘅4D 過山車 ,時速達每小時126公里,最高點有成76米,夠快又夠高;雖然全程只有1分鐘多少少,但足以嚇到每一位玩家瘋狂慘叫!

Q1 | 「超大型滾輪式過山車」喺咩位置?

「超大型滾輪式過山車」離 東京富士急 正門入口比較遠,想快又唔想排隊又唔捨得買fast pass 嘅,樂園一開門就好向過山車直奔!

Q2 | 有咩咁吸引?

呢款過山車全程雙腳離地,雙腿吊吊揈,無法「腳踏實地」,玩起嚟更驚心!加上倒後行同座椅360轉嘅4D體驗,令未試過4D過山車嘅遊客一定要試!

Q3 | 有咩驚喜位?

部分路軌超貼地,有差啲就撞落地嘅感覺,真係好嚇人!

Q4 | 玩後有咩感覺?有幾刺激?

成程倒後行,好似被人拉住走咁,感覺同一般過山車好唔同!一開波就被拉上最高點,好有倒數行刑feel;去到最高位準備向下衝時,座椅開始360度旋轉,一個反身就以高速衝落街,呢吓第一次360度轉就驚!好抵玩好刺激,除咗第一個大迴轉,低位都有小迴轉,加上同幾個落差大嘅大波浪,令到離心力好夠!離心力勁之餘,加上360度旋轉,令我頭暈到爆!

Q5 |有咩方法可以唔洗排隊?

東京富士急 有一種叫「絕叫優先券」嘅fast pass ,每張一千円,每張可以玩一種機動遊戲。「絕叫優先券」每日限量發售,每人限買6張,建議一入場就去迴轉木馬旁嘅售票處購買。有咗呢個fast pass 就唔洗排隊,爭取時間玩多幾個 過山車!

Q6 | 有無高度同年齡限制?

只有身高介乎130cm至200cm,兼且年齡介乎10歲至60歲,就可以玩啦!

Q7 | 玩前玩後,有無咩注意事項?

玩前:由於360度旋轉,建議長頭髮嘅朋友,扎辮先好玩!同埋唔好食太飽同飲太多水去玩,真係會嘔架!

玩後:玩得高興,可以去買返張相做紀念,價錢為500円,約35元港幣。

睇咗咁多資料,出發前睇睇兩段試玩片段啦!

片段 1 | 洋漢慘叫版

片段 2 |多角度自拍版

https://www.youtube.com/watch?v=UHMMMXFtZNQ

下一頁:東京富士急 | 4大必玩 過山車 介紹

相關文章

87°直角俯衝!意大利「黑洞」過山車

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

去東京有什麼好去處及景點推介?

未諗好去邊好,可以看留意東京自由行最新大行程東京必食美食淺草橫町美食街東京年度拉麵店東京蟹店推介。想去東京迪士尼的話,大可一看東京迪士尼樂園門票攻略領取全新3大門票Pass方法。喜歡購物則可到東京Outlet;要是想過一個輕鬆的旅程,可到箱根溫泉旅館。準備到日本賞櫻花的大家,可預先一看日本櫻花花期預測