任務#05 實習精靈 童夢應酬班

「其實我真係信有聖誕老人㗎!」翠如BB天真到一個點,有時只有死忠Fans先可以明瞭:「其實因為細個寫過信畀聖誕老人,然後收到回信,所以咪覺得係真有其人囉!」北歐其中一份工作,就係去芬蘭 Santa Claus Village受聘成為「初級見習精靈」,負責人潮管理,將進場談夢想的兒童分流,淡季上工,workload 尚算輕鬆!「啲同事好入戲囉!話精靈培訓工時特別長,要儲多二百幾年工作經驗先可以升職做正式助理!」

平時遊客來到 Lapland都係到此一遊,今次翠如打工期間睇見無數遊客出出入入,真正感受到聖誕老人的號召力。

好似啲公司 reception,其中一個工作係引領 Fans 向聖誕老人講夢想,但係精靈就要迴避唔准偷聽。

最大挑戰係文書工作,負責把來自全球各地的來信分門別類, 等聖誕老人逐一回覆,睇到眼矇!