前年《進擊的巨人》的電影版遭不少漫畫死忠粉絲批評過度改編,電影中找不到的歐陸風格味道,卻早早在動畫版中完美程現,原來在德國有一座叫Nördlingen的古城,布局和建築風格,都跟《進擊》入面高牆內的世界90%似!

一位旅居歐洲的動漫迷早前秋遊德國,發現疑似《進擊の巨人》「真實」場景,遊記於網上發表,廣受傳閱;雖然原作者並未透露故事舞台的取材對象,不過故事中日耳曼語系設定、歐陸式圍城生活場景,都跟這古城區驚人地相似,即使未曾看過動畫,也會被這個完好保全的中世紀圍城靚景所震攝,平日遊客罕至的小鎮,旋即上位,成為動漫Fans朝聖地!

隕石衝擊絕景盤地小鎮

涅德林根(Nordlingen)是德國3座僅存完整古城牆的小鎮之一,是典型的中世紀小城。旅居比利時的台灣動漫迷Alex,在今年秋天計劃五天德國南部之旅時,得悉這個關注指數甚低的圍城,竟然跟動漫作品《進擊の巨人》出奇相似,於是特意前來觀光。

連紅色屋頂都似到十足十!喺漫畫入面,啲主角就經常喺呢啲屋頂度飛簷走壁殺巨人。

不過要澄清返,其實應該係套漫畫似呢個古城,而唔係個古城似套漫畫嘅場景!因為呢種被圍牆圍住嘅古城其實係中世紀好多,只係後來多數都被毀而消失世界上。而《進擊》作者雖然無講明過故事時代背景,但主角名都似日耳曼系,加上個故事場景好有中世紀歐洲feel,更大可能係作者諫山創參考古城原型。(係就要落返個credit俾Nördlingen嘞!)

 

嚟到Nördlingen,係一定要到圍牆上同埋丹尼爾教堂欣賞吓古城全景,感受吓中世紀古城嗰種氛圍。

不過Nördlingen同《進擊的巨人》場景有一個極大嘅分別,就係呢度嘅圍牆內係無巨人嘅。 反而成個古城都洋溢住一種勁warm勁快樂嘅氣氛。

睇下Nördlingen嘅人們幾快樂,如果佢哋知道日本有套咁恐怖嘅漫畫同自己居住嘅古城咁似,唔知會有咩感想呢?
之前有一位動漫迷Alex去過Nördlingen,仲影咗段喺城牆上同丹尼爾教堂鳥瞰古城嘅片!
俾你睇清楚究竟Nördlingen同《進擊》場景有幾似:

前往方法:

可直接搭乘德國鐵路(DB)至Nördlingen站。由慕尼黑出發至Nördlingen需時大概兩小時(需轉一次車)

特別節慶日子:

涅德林根聖誕市集

日期:11月29日至12月23日

地點:古城中心教堂大街

網址:www.noerdlingen.de

涅德林根旅遊局網站:www.noerdlingen.de
Alex 個人網站  http://tabishiki.weebly.com/