每次返工上飛機做嘢之前都會有一個BRIEFING,BRIEFING時CREW們都會分享一下對果程機嘅期望同經驗,而大致上大家都會期望有一個HAPPY n SAFE FLIGHT!

公司不鼓勵空姐幫客搬行李

講起SAFETY,我哋公司一向都標榜SAFETY is our first priority!


當然Safety嘅範圍唔單只係乘客,仲有CREW們啦!
而其中一樣係BRIEFING時常常提到嘅就係處理乘客嘅行李
公司嘅政策係唔鼓勵CREW們幫乘客擺放行李,避免受傷
受傷嘅原因好多………
例如:幫乘客放過重行李、與乘客一同擺放行李時乘客突然放手,令行李跌下等
所以CREW們正常係唔會幫任何乘客擺放行李
除非乘客係小朋友、老人、輪椅乘客、身高過矮
我哋可以做嘅,只係幫乘客check in過重嘅行李!
否則所有乘客都應該自己擺放自己嘅行李!

香港乘客老奉叫空姐搬行李

試過有次有個香港女人要求我幫佢擺行李
我當然好有禮貌同佢解釋公司唔鼓勵我哋幫乘客放行李

乘客應該對自己帶上飛機嘅行李負責任
但佢堅持要我幫忙,我心想今次走唔甩
不過因為佢件行李都有D重量,我就請佢同我一齊抬上行李櫃
但佢絲毫不動咁企喺度,只係將行李遞俾我
我果刻真係好嬲,我本身無責任幫佢擺行李都已經幫佢擺
佢竟然當係奉旨咁,當我搬運工人麼?覺得所有 空姐 都係 大力士 ?
當然我忍住啖氣,平心靜氣請佢行出佢個位用多少少力幫手啦
點知佢只係輕微移動咗一小步,將佢嘅行李提高咗一點點
個行李同個行李櫃仲有段距離,掂都無掂到個行李櫃
我真係俾佢激死! 我只能夠頂硬上,用盡力拋佢行李上行李櫃

然後我即刻閃埋一邊冷靜下,同呀姐報告返呢位乘客嘅情況啦

港客反投訴空姐態度差

點知果位女士轉頭就向呀姐投訴我態度好差
我真係嬲到震! 不過好彩我呀姐撐我,相信我嘅態度唔係差!
呀姐仲安撫我,叫我下次要小心處理
佢投訴無效,我條氣先順返D

空姐不是大力士

所以請大家去旅行時要對自己嘅手提行李負責任
唔好再覺得空姐有責任或義務幫乘客搬行李
當你覺得行李好重嘅時候,我地都一樣會覺得重
空姐並唔係大力士,我地都係正常人
如果空姐願意幫忙放行李嘅時候,唔好當奉旨
請你都伸出你對手一齊擺行李
個行李未放好之前唔好放手,以免行李跌落嚟

「自己行李自己擺  做個負責好乘客」!


 

更多小菲菲空姐嘅日常,請Like FB: 小菲菲空姐日記 https://www.facebook.com/littlefifi.diary/
歡迎合作邀約,EMAIL: [email protected]