澳門君悅酒店Mezza9「與廚共饗」自助餐,一直受澳門本地人追捧,聽聞現時訂座已經去到18年5月!Full booking的原因不單是有波士頓龍蝦、鮑魚等多款回本海鮮,更是因為食客能夠吩咐廚師即叫即煮,煮法任君選擇!(2018年1月更新

文:Kassidy|圖:Fion

2月加價!排足半年先有得食

記者收到消息,Mezza9準備加價!由2018年2月份開始即將加到平日$569一位,周末更要$669,計埋加一最貴要736蚊先埋到單。6月份會再加多次價,再唔快快去食就越嚟越貴。而且,之前只係要預早3個月訂位,但現在條人龍已經排到5月尾,6月先可以再有位可以訂。

食物更新:增設泰式麵檔

加價之餘當然食物款式上都有更新,Mezza9將會增設泰式專區,會有喇沙提供;燒烤肉類跟海鮮都有更多選擇。周末的燉湯會有花膠、鮑魚等等,也會有焗蠔,甜品更會有炒雪糕!當然以下介紹的仍然會有,雖然加價,有得即叫即煮新鮮海鮮仍然是非常抵食!

6大專區 全部即叫即煮

餐廳分為6大專區,不賣震撼生蠔山、蟹腳山,buffet枱上放滿了的全是新鮮食材,想食龍蝦時向該區駐守的廚師柯打,原隻龍蝦新鮮撈起並即刻劏,還可以揀選喜歡的方法叫廚師烹調,即叫即煮,食客還可以看着熒幕欣賞廚師煮餸過程,等候期間亦有魚生、中式滋潤湯水、熱葷冷盤等慢慢食,唔怕餓親肚仔。

01 海鮮專區

無論蝦、蟹食落都非常新鮮,更加有原條魚放在專區任客人觀賞並挑選;貝類全部游水養住,記者到訪當日,鮑魚雖然唔算大隻,但餐廳毫不吝嗇,每份柯打都送上多隻鮑魚,定必夠填飽口癮!

02 肉類及龍蝦專區

肉類有羊、牛、雞等選擇,但只會提供燒烤煮法;而波士頓龍蝦則有多達9種煮法,分別是上湯、燒烤、蒜蓉蒸、薑蔥炒及芝士焗等等。波士頓龍蝦一定是回本首選,肉質細膩,食落非常爽口。西冷扒的生熟程度也可由客人選擇,廚師掌控火候一流,肉汁鎖緊在西冷扒之中,必食!

03 魚生、壽司專區

魚生專區位置在餐廳角落,如果沒有細心走完整間餐廳,會較難發現;魚生款式有5-6款,三文魚、拖羅等當然少不了;壽司、冷麵也一應俱全,絕對不會忽略想在自助餐吃刺身、壽司的食客。

04 甜品專區

以為以海鮮作為賣點,甜品就輸一條街?甜品原來同樣出色。除了有椰子焦糖布甸,還有即叫即焗梳乎厘,1大個雪櫃放滿特色口味手製雪條,如荔枝玫瑰等少見口味。

05 冷盤、熱葷專區

冷盤熱葷等已整好的食物比較少,只有1個專區,食客可以在柯打食物後來這邊揀一些即食食品。除了蟹腳、蝦、螺等冷盤,此區亦有薄餅、芝士麵包等選擇;一旁的燉湯區間中更會有花膠湯呢!記者當中到訪就試到蟲草瘦肉煲刺參。

只數圖中冷盤,也有5款選擇,餐前可以先食冷盤,再戰回本即煮海鮮!

06 蔬菜專區

蔬菜區位於海鮮區旁邊,現場所見約有十多款蔬菜,猶如1個菜檔放在餐廳內,蔬菜類同樣有不同煮法,由客人自己決定。當日更進口了1款火龍果花,平常較少見;吃下去感覺較似秋葵,味道有火龍果的果香味,非常特別!

在海鮮專區旁邊更有整欄菜檔,自助餐極少見!

食物送到上枱 擦足5小時

食客只要走到每個專區,揀選好想食的食材,再選擇食在黑板上的煮法,即會有專人為食客下單,廚師會視乎人數再為下單食客準備食物。由下單開始到侍應送抵餐桌,大概花了10分鐘,勝在有5個小時用餐時間唔怕等。

柯打步驟01 | 先挑選想吃的食材

柯打步驟02|告訴當區廚師想要的煮法及枱號,或取得電動鈴

柯打步驟03|等待侍應送到,或待電動鈴震動時前往專區取食物

食客真實評價:早3個月訂位

記者在5月底1個平日晚上到訪,餐廳座無虛席,細問之下原來預約已至9月,大部分食客均為澳門人,對 Mezza9 的評價也是讚口不絕!周末自助餐會有焗蠔提供,大時大節更有可能有花膠湯呢!

Mezza9 自助餐 訂位小攻略

Mezza9索價雖然較一般自助餐高,平日Mop539、周末 Mop639(另加服務費及稅項),但所有食材、服務絕對值回票價!如果要訂位,以下是幾個唔使等3個月的方法:

  1. 餐廳經理建議用電話或電郵訂位會較網絡預訂更快,有機會可以博到較近日子的枱!
  2. 酒店的Grand Offer Package住宿套票包括Mezza9自助晚餐,餐廳已預留位置予 Package 客人,每房價錢由$1,999起。價錢包豪華客房1晚及2 位Mezza9 自助餐,除開每人每晚只是$1,000左右,兼食原價$539起的buffet,超抵!
  3. 香港有旅行社亦有連船飛、住宿及自助餐的套票,由於已預留部分枱,也可以一博!

 Mezza9 Macau 與廚共饗
地址:澳門新濠天地君悅酒店3樓
電話:+853-8868-1920
供應時間:6:00pm-11:00pm
價錢:平日Mop539、周末 Mop639(另收10%服務費及稅項)
(02/18起加價至平日MOP569、周末MOP669)
座位數量:約200位(連室外位置)

延伸閱讀:澳門船飛最平只需 $177! | 用 Visa 信用卡「買去程送回程」

延伸閱讀:澳門銀河酒店 | 天浪淘園 2017 夏季玩水推介!

前往澳門有哪些交通方法?

可以選以金巴港澳快線金光飛航噴射飛航,即睇澳門交通2023懶人包。到達澳門後,則可坐輕軌氹仔線,途經碼頭、機場、多間酒店及主要旅遊區,澳門自由行時交通更加方便!即刻了解一下車站地點及列車設計等資訊。而澳門酒店由設計到設施都非常出色,GOtrip編輯整合澳門近年新開酒店情報,大家可Bookmark定,即睇:澳門酒店推介

有什麼澳門好去處?

澳門有不少新設施及全新好去處,其中澳門賭場必去景點食買玩介紹,玩轉澳門!然而,澳門美食眾多,除了豬扒包,也可到各大酒店享用自助餐及打卡必去的陽台Cafe當半日文青。