近年廉航興起,不時推出優惠吸客,唔少香港人都會揀搭廉航,平平地「窮遊」一轉。不過,大家通常上左機,都唔想食廉航嘅「貴夾唔飽」飛機餐。如果唔想餓住肚搭飛機,可以點?其實只要揀啱信用卡,都可以歎吓香港 機場貴賓室 裡面設施,順便食餐飽先上機!文字:阿樂 (原文刊登於經濟一週網站)

你以為「貴賓室」真係有錢、有地位嘅人先入得?錯喇!只要有張信用卡就得啦,當然貴有貴玩法,平有平玩法啦。自認係基層員工、人工又唔多嘅你,只要有以下信用卡,唔洗簽賬都可以入貴賓室享受服務!

7張平民卡 年薪要求15萬

小編就搜羅左有6張銀聯信用卡,全年入息要求只需要15萬元,同時免簽賬,就可以在一年內免費進入香港或澳門環亞 機場貴賓室 3次。(優惠期限:由即日起至2016年12月31日)

01) Citibank Rewards 銀聯雙幣鑽石卡

02) 匯豐銀行:銀聯雙幣鑽石信用卡

03) 交通銀行:銀聯雙幣鑽石卡

04) 交通銀行:仁濟銀聯雙幣鑽石卡

05) 交通銀行:FWD富衛銀聯雙幣鑽石卡

06) 創興銀行:銀聯雙幣鑽石卡

另一張是由美國運通提供的國泰航空信用卡,年薪要求都只需15萬元,一年內可有2次享用環亞機場貴賓候機室的尊貴設施機會。唔一定搭國泰航班先用得,乘搭任何航空公司都得!

07) 美國運通:國泰航空信用卡