手機攝影 大行其道,不論橫街小巷都總會見到有人拿住部機隨處影。可惜,你遇正身邊朋友幫你hea影,都唔知點好!小編都中過無數次大伏,所以今次專誠寫篇7大 手機攝影 留心位,齊齊秒變攝影大神。

text: Tsz    photo: 網上圖片、Instagram(原文刊登於《新Monday》網頁)

01 | 幫人影相唔好數123先影  改用連拍

如果仲停留於123笑的階段,主角長時間地笑,易顯得疲倦,又影得生硬唔夠自然,通常都要無限重拍。而且手機容易手震,最後影極都不收貨!試下改用連拍去取代,影出來夠自然之餘,總有一張會收貨。

02 | 用水平線去影靚相 主角唔會斜到打風

好多人成日用手機都會遇到一個影極都是斜的問題,用九宮格中的橫線成水平線就唔會有問題啦!當然,如果張相好重要但又影到斜又點解決?好多apps都可以後期製作,將張相整一個水平線,例如:Instagram。

03 | 記得影相前先抹一抹個鏡頭

好多時候為甚麼張相會又矇又油?是因為我們經常機不離手的關係,導致手機個鏡頭沾滿指模印。

04 | 用另一部手機打光提升相片質素

好多時手機於較暗的環境下,單靠使用內置閃光燈或是推高 ISO (感光度),影出來個質素都唔太收貨。其實可以考慮邀請朋友用他的手機開啟電筒功能,並從側邊向人像打光,咁就可以大大提升相片質素。

05 | 以黃金分割去取角度

取角度永遠都是影相最重要的一環!所謂黃金分割,好簡單就是一個九宮格。而所謂的黃金分割就是九宮格中間的四點。

只要把主角/物件放在這四點中的其中一點便已經運用了黃金分割,主角置中之餘,又會顯得夠和諧夠上鏡!

06 | 尋找逆光 瞬間變女神

在日出日落的時候,逆光拍攝是很好用的人像攝影技巧,只需讓相機向著陽光的方向用自然光拍攝,有需要時提高整體亮度,便會拍出和暖而且充滿感覺的相片。

07 | 高炒低炒 角度的重要性

最後,影相最重要都是要選擇一個合適的角度,適當地高炒則會使主角瞬間尖臉,而低炒則有效凸顯修長美腿,即刻42吋長腿都冇難度!

(當然,有時對腳長得滯就會秒變2米巨人,所以適當就好!)

最最最後,小編希望大家睇完呢篇手機攝影教學之後,大家都秒變攝影大神!

 

下一頁:女神照秘訣 | 8個 韓妹影相姿勢教學