KLOOK 限定 HK$440 優惠價訂枱：（按此訂枱）
海鮮－ Refill得好快！
講講海鮮有咩食啦~~~
重點一定喺海鮮度，有龍蝦、加拿大皇帝蟹腳、法式麵包蟹、南美熟蝦、越南白蜆、加拿大青口，仲要 refill 得好快，我每次出去都一定攞到。
一定要提呢個法式麵包蟹係非常十分之多蟹膏，我哋每人食咗兩隻先收手。
Eee ! 生蠔呢？呢度呢度
因為生蠔放咗喺另一個 section，所以剛才的相片就看不到。當晚有兩款生蠔選擇，有澳洲和南非，是即開生蠔，個人就鍾意食澳洲生蠔，超新鮮，好好味，喜歡食蠔人士不能錯過。每次只可以攞 3 隻，但我哋係唔會因為咁而放棄嘅，起碼攞了 4 轉。
當晚澳洲和南非生蠔全部都食過，蠔味夠，正！
「刺身壽司」
刺身有三文魚、吞拿魚、北寄貝、八爪魚，而壽司就每日廚師精選的，三文魚肥美都不得了。
唔係講笑，平時食自助餐我好少食壽司，今次都忍唔住食咗兩件，好好食呀！
「鮑魚泡飯」
JW 萬豪酒店自助餐仲有鮑魚泡飯，師傅會即場為你烹調。
想同大家講聲，當晚好多人都唔知這個 section 是食鮑魚泡飯，一見到鮑魚就自己拿去隻碟度。其實這些鮑魚是生的，要師傅煮完先食得，但我每次行過都總會見到一些大媽原隻鮑魚就想攞走，次次都被師傅話，尷尬事小，食壞肚事大呀！
▼ 其實都唔算細隻，味道又幾好味。
「湯」
記得曾經有粉絲留言，同我哋講 JW 萬豪個自助餐仲有花膠湯飲，嘩！
但當晚只見到這兩煲湯，我哋就不停攪攪攪，起勢咁攪下啲 湯渣，睇下見唔見到花膠嘅蹤影，可惜都唔見有花膠，當時確係有些失望，惟有照飲住中湯先。
「其他食物」
其他食物例如沙律、熱食太多我唔講喇！特別有一個澳門做主題嘅 section，專門整一些澳門的特色食物，大家自己睇，真係有好多嘢食。
原條鹽燒三文魚
「飲品」
依家好多香港自助餐唔包果汁飲品 (so cheap ) ，JW 萬豪就包好多果汁，而且免費任飲，仲有港式奶茶，大家來到這個 section ，叫師傅沖就得。
如果喜歡飲酒嘅，仲可以加 MOP138，無限暢飲酒精種類飲品。
「小總結」
適逢我哋剛巧平日來澳門，以 HK$440 (已連加一)一位的價錢實在抵嘅，生蠔 refill 速度極之快，基本上師傅會開定部分生蠔喺度等你攞，唔會你嚟到先開。食到 8 點幾我再食生蠔海鮮種類，食物都仲有好多，唔會夜咗就唔 refill 。
提提大家喇！澳門 JW 萬豪酒店名廚都匯的 buffet 都幾 full 下，所以去澳門前，大家記得先訂位。
「 JW 萬豪酒店 buffet 價錢 (未包加一)」
晚餐：
星期一至四：成人MOP458、小童(3-12歲)MOP229
星期五至日：成人MOP548、小童(3-12歲)MOP264
午餐就仲平，平日只需 HK$235 一位，星期五至日 HK$297。
「訂座折扣方法」
喇，點解標題寫 HK$440 一位，但上面又寫要 HK$458 呢？原因不同訂枱方法，價錢亦有分別。以上是直接跟酒店訂枱或 walk-in 的價錢。
但如果透過 agent ，例如 Klook.com ，成人只需 HK$440 ，留意 KLOOK 的價錢已包括加一服務費，所以兩個人去已經平接近 $100 。
但因為可能太平的關係，KLOOK 網站的數量有限，亦只能預訂一星期後的座位，大家想平就提早預訂了。
訂枱網址：
https://www.klook.com/zh-TW/activity/1282-marriott-urban-kitchen-buffet-macau/?aid=157
Runhotel 提提你：
如果 JW 已經冇位，KLOOK 還可以訂到喜來登和威尼斯人的自助餐。
喜來登 – 晚餐 HK$383 起
https://www.klook.com/zh-TW/activity/1346-sheraton-feast-buffet-macau/
威尼斯人- 晚餐 HK$248 起
https://www.klook.com/zh-TW/activity/99-venetian-bambu-buffet-macau/