史上最fail的進擊巨人@深導遊

塊面膜係超貼面！又好玩又好用，Like !

日本雜誌《VoCE》６月號，送進擊的巨人面膜！

首先去最多人嘅街市，應該實有人覺得搞笑奇怪啦一路敷 mask一路行街市，點知冇人理我，咁可能係啲街市叔叔嬸嬸見慣世面啦！
唔緊要！再去買雪糕，個店員完全係覺得正常無野喎，乜原來而家喺街上面帶著個mask 係好正常嘅事嚟嘅咩？！ 定係其實我真係一啲都唔好笑呀？(笑到喊樣子)
再去搭地鐵，人人都匆匆忙忙咁上車落車，我懷疑分分鐘佢地連我個人都見唔到，因為香港人實在太忙啦，邊有時間慢慢欣賞同取笑我呢個進擊的巨人mask丫……
玩到餓去買個麵包食，咦，呢位仁兄終於有反應笑啦喎！！但係……點解佢嘅笑……好似諗緊第二啲野？

唉……最後，唯有自娛一下啦……！同啲死物玩好似仲有滿足感、成功感。(係咪扮得出神入化呢？哈哈)

塊面膜係超貼面
又好玩又好用，Like !

唯有自娛一下啦……！

除了玩之外，亦不忘講一下塊面膜。
雖然呢款面膜以玩為賣點，但功效方面亦好出色！(不是擦鞋或廣告！)
首先塊面膜本身質地係有紋理嘅布，加上好Juicy好充足嘅精華液(有透明質酸同維生素C)，塊面膜係超貼面！(只係我玩得太多次所以睇落好似謝哂皮咁)而且敷完唔會感覺笠痴痴，精華亦好快吸收，有幾好嘅收細毛孔同滋潤嘅效果！！