忍了接近兩日才出到這篇blog,因為要等有時間入部DSLR的相先捨得post啊,覺得咁正的海膽飯post手機相實在唔足以表達它的美味!!!

我一向都超喜歡食海膽,其實美國都算不錯, 有好多高質素的壽司店,可以食到好食又新鮮的海膽,但去到這個程度的美味就真的未試過啦!!!
(各位成日去日本既師兄/師姊請見諒,我太難得去日本, 食咩都好開心, 成個大鄉里hahaha)

其實我之前在香港某網站見到介紹呢間築地店,好有名的還有”勁滿溢”海膽飯,但最後去到見到五色海膽更加吸引我, 所以就改揀這款。五色海膽有分日本本土或者海外海膽,當然日本本土貴DD啦,我地一場黎到日本不會差那少少錢揀海外啦,所以就揀了日本本土, 無記錯大約5,900 yen。

C先生不吃海膽, 就揀了拖羅+海膽飯,(當然舊海膽又係比左我), 價錢跟五色海膽差不多。
雖然以一碗飯來講不算便宜,但兩款都太太太美味啦, 物超所值!!!! 好感動既一餐 <3 <3 <3

最難得既係…. 我地唔洗排隊, 又唔洗一早起身都可以享受到呢個天堂級美味!!!! 我諗係因為咁啱新年, 好多築地店都關門, 而且我地又晏去到(下午兩點), 所以人流唔多, 先可以咁好彩唔洗等啦. 平時睇人share都講到要排隊啊!!! 築地場外市場這日的人流感覺不算太誇張啊.

虎杖就在這張相中心的走廊

點菜後師傳立即在面前做啊!

再來一張… 回味無窮的海膽飯!!!呢間虎杖都有好多分店, 我地係去うに虎中通り店。營業時間和地址如下:可以參考番虎杖的網頁: http://www.itadori.co.jp/

築地虎杖うに虎中通り店

地址:東京都中央區築地4-10-5 1F
營業時間 :7:00~17:00
網址:http://itadori.co.jp/shop/shop_15.html

延伸閱讀:

東京-平價抵食超人氣梅丘寿司の美登利

日本。河口湖: 不動茶屋・超暖胃的鄉土名產鍋物!

【冬季限定】日本最奢華!嚴選10個雪見露天溫泉!