韓劇《太陽的後裔》進入尾聲,劇情依然緊湊。昨晚播出第13集,講到喬妹同宋仲基齊齊回歸首爾,離開戰區返到城市,除咗 Sweet 情節爆瀉之外,植入式廣告都瘋狂湧入,今次唔使強國出手,原版都幕幕有 Sponsor,同廣告雜誌無乜分別!

場景01:宋仲基送太陽頸鏈氹喬妹

劇情:宋仲基同喬妹唔妥嘅同事打招呼,令喬妹醋意大發、碎碎念責怪佢嘅時候,突然拎出禮物,令喬妹即時笑番晒!

起底:呢條太陽型狀的鏈墜「Luce Hélio Necklace」明顯就係為劇集而設計,由著名韓牌 J. Estina出品,除呢條鏈之外,宋慧喬於劇中配戴嘅多款取環亦係呢個品牌。同品牌另一條line由孔孝珍代言人,係韓國著名嘅星級首飾牌子,成個網頁已經熱賣梗兩位韓流女星配戴嘅各款 Accessories。

「Luce Hélio Necklace」
售價:150,000韓寰(約港幣$1,009)


喬妹一集都可以戴4、5款靚耳環,全部出自 J. Estina 手筆!


場景02:「喔!噴泉哦!」歐陸噴泉Enter-6商場拍拖

劇情:宋仲基去醫院接喬妹,之後去商場拍拖,仲搵機會送禮物俾喬妹,真係冧到爆。

起底:呢幕喺首爾大型商場Park Avenue Enter-6拍攝,裝修以歐洲街道為主題,唔怪得睇劇時都覺得好有山塞威尼斯人Feel。韓劇Fans應該唔陌生,因為商場經常喺唔同嘅劇集出現,好似《主君的太陽》、《 Running Man》等都曾在Enter-6其他商場取景。今次《太陽》捨棄往十里站最Grand的大堂噴水池,去咗最肉酸Park Avenue分店嘅聖誕花水池度拍,可能想就返個聖誕冬天 feel 掛!

Park Avenue Enter-6
前往:搭地鐵到2號線的漢陽大站,從1號出口方向出站,搭電扶梯往下到地面,路程約 5 分鐘

官網:(韓文)http://enter6.co.kr/


場景03:Double Date 咖啡店 瘋狂放閃

劇情:13集最閃爆劇情,宋仲基、喬妹,同晉久、金智緩兩 pair人去返第 1 集兩個麻甩佬呆坐嘅Coffee Shop,晉久仲話自己搵到真嘅女朋友,宋仲基就話喬妹係佢戰友。晉久仲開估咁緊張部手提電話嘅原因……真係Man 到一個點!

起底:《太陽》多幕都喺連鎖咖啡店 Dal.Komm Coffee唔同分店內取景,呢間之前第1集都出現過,仲係宋仲基好友李光洙代言嘅分店。

Dal.Komm Coffee 盆堂亭子店
地址:京畿道城南市盆堂區亭子路2 Prugio City 3期D棟108-109號舖

韓文:경기도 성남시 분당구 정자동 푸르지오시티 3차 D동 108호, 109호
前往:地鐵盆堂線亭子站3號出口直行至ACROTEL右轉,再步行約6分鐘即可到達
電話:+82-031-712-1581
時間:星期一至五 8am-11pm、周末10am-11pm


場景04:燒肉店 喪劈燒酒 72 小時!

劇情:特種兵宋仲基同隊友回歸首爾仲有 4 日假放,佢竟然唔係去搵喬妹,而係捉住晉久去喜來稀肉(서래갈매기)劈酒劈足 3 日3夜。喬妹見到都忍唔住話佢哋:「竟然仲未死!」最後仲飲埋一份搞到自己都醉到無晒儀態。

起底:喜來稀肉係《太陽》贊助店之一,13集未播之前已經打鑼打鼓曬劇照,仲放咗雙宋綁鞋帶紙牌喺門口,成為 check-in熱點。不過最新消息,因為版權問題,兩個紙版人已經收埋咗!

喜來稀肉(서래갈매기)
地址:首爾特別市東大門區回基洞 191-5
前往:回基站1號出口,喜來烤肉就在對面馬路!


場景05:宋宋CP 拍拖甜食 Subway

劇情:宋宋CP回到首爾拍拖地點相當平民,放工竟然係去Subway食快餐撐枱腳!?不過有宋仲基陪住,應該食乜都咁好味。其實之前第 2集都有講喬妹升職都係去Subway買包慰勞同事,仲識食到勁刁鑽要Club Sandwich 走洋葱加辣椒,仲有之前嘅蜂蜜燕蜜包,即時成為熱爆口味,人人都要跟!

起底:南韓全國有 162間Subway快餐店,梗有一間喺左近可以食到喬妹「至愛」,之前喬妹就係去咗瑞草區買包請同事食㗎啦!

Subway
地址:首爾瑞草區盤浦洞707-11
官網:www.subwaykorea.co.kr


場景 06:離譜!無人駕駛為錫錫

劇情:兩 pair人約會之後,晉久送金智緩返屋企途中大耍花槍,晉久按下汽車嘅「自動駕駛」之後,公然喺馬路上同金智緩搶電話同錫錫,仲危險過係烏魯勒槍戰囉!

起底:劇情去到咁盡無非都係想介紹返呢部由韓國本土牌子 Hyundai(捷恩斯)出品嘅汽車,最大買點就係有自動駕駛功能,不但可以直線駕駛,仲會自動轉變,遇上突發狀況仲有自動煞車。

Hyundai
官網:www.hyundai.com


場景 07: 廣告賣不停!