去富川不愁無好西食,特別是海鮮!皆因富川與仁川為鄰,每日均有大量新鮮海產從仁川漁港直送,而當中最有人氣必屬尋味海鮮天地,多間電視台如KBS、SBS也曾派出攝製隊採訪,只為一嘗集21種不同海鮮的足料火鍋!

文:perfect hill 相:Hai

生猛海鮮大雜燴 鮑魚帶子鬥大隻

上菜時目測海鮮鍋至少有50厘米長,八爪魚、鮑魚、帶子、扇貝、花蟹、章魚等海鮮早已共冶一爐,手掌般大隻鮑魚肉非常彈牙!海鮮鍋賣相有點像盆菜,完全遮蓋湯底,老闆指意念來自海底的食物鏈,一物食一物,好搞笑。 我同攝影師已懶理邊個食邊個,總之全部放晒落口!

吃罷還可加入刀削麵,一匙鮮湯一啖麵,可惜我們已飽到上心口,留名下次再翻兜!

必食招牌小菜 歎埋啤酒至夾

招牌菜之一的巨型八爪魚,每隻腳都比手指粗,肉質超彈,沾上麻油食就最惹味。

記者為工作而犧牲,試了前菜之一的蟲蛹,好脆口,無咩味,但當地人食得好愉快。

小麥味濃帶苦,用來配海鮮一起喝超夾。

一到晚上,餐廳便座無虛席,記得預早訂位!

首爾出發賞櫻歎美食 一小時到達!

富川市位於仁川與首爾之間,不少飛首爾的遊客都會襯櫻花季到富川賞櫻兼食好西。從首爾東大門站乘地鐵1號線可直達富川站,車費約 HK$11,即日來回或短住 1 晚亦可。

尋味海鮮天地(맛잡이 해물천지)

地址:韓國京畿道富川市遠美區 鐘洞 1158-6(경기도 부천시 원미구 중동 1158-6)
電話:+82-(0)32-327-1551
營業時間:星期一至日11am-11pm
交通:乘地鐵7號線至市廳站1號出口再步行1分鐘
網址:story.kakao.com/ch/seafoodstory

下一頁:唔怕迷路!首個中文版韓國地圖面世

延伸閱讀:

忌廉迷必試 | 韓國4款人氣爆cream甜點

一食上癮!韓國3款邪惡脆口零食

[弘大。食]。本粥*料多好實在,濃稠的粥好好食!(含地圖)

最新的韓國入境要求詳情?

韓國宣布即日起至2月底,所有來自香港及澳門航班必須使用仁川國際機場降落, 即睇:韓國入境最新要求限制。在入境日本前,建議也可買定韓國電話卡,部分更有通話功能,以及選定心儀酒店

韓國首爾有什麼好玩推薦?

首爾美食多籮籮,即睇美食推介,而醬油蟹絕對是其中一樣必食美食;一人旅遊到首爾不知到哪覓食?大可到訪首爾可以一個人用餐的人氣獨食餐廳。玩樂方面,滑雪是不可錯過的活動,5大滑雪場適合新手一日遊,亦可到樂天世界大玩遊樂設施及韓服體驗。另外,也可用幾日時間到釜山玩返轉,即睇首爾去釜山交通懶人包。準備到首爾賞櫻花的大家,可預先一看首爾櫻花預測及賞櫻地點推介