猴年有咩願望?梗係發達啦!澳門各大酒店似乎知我等蟻民諗緊乜,喺大堂設置咗金光閃閃的巨猴裝飾,方便大家去影相打卡。足金金猴神話 12 年後終於再次實現,免費任影唔嬲!

文:Elaine (新假期)

攝:Chi (新假期)

1) 美高梅:足金金猴桃樹

金樹位於賭場外,足有兩米高,上面有 8 隻金猴和勁多金桃,金燦燦非常搶眼!牆上仲有大量閃到爆金瓦片,入場前企喺度索一索金氣,下個賭神分分鐘係你!不過呢,大家千祈唔好學 Model 咁踩上去摸金樹,事關保安會即刻衝過來阻止,影完相快手摸兩摸好喇!

地點:澳門美高梅金殿酒店東北面側門

2) 銀河:闔家金猴

金猴一家團聚!成員包括馬騮媽托住馬騮仔,旁邊仲有笑到烚熟狗頭的馬嬲爸,一家大細必去。

地點:澳門銀河酒店明珠大堂

3) 百老匯大街:QQ馬騮仔

小金猴眼大大樣子打耳,但望真啲個樣有點似 Star War 隻咕嚕……唔緊要,大街上仲有其他小金猴,逐隻影相啦!

地點:澳門百老匯酒店,百老匯大街華生行門外

4) 星際酒店:毛茸茸巨猴

一入大堂就會見到 3 隻金猴同你拜年,猴樣都算得意,但猴身啲「金毛」就重口味咗少少。

地點:澳門星際酒店大堂

5) 壹號廣場:藝術金猴

這猴子裝置玩抽象風格,金、銀、紅三色「長生樹」下有 8 隻猴,其中 7 隻係空心馬嬲,而實心那隻就鍍上金箔,夠貴氣又無土豪味!

地點:澳門壹號廣場商場大堂(與美高梅酒店相鄰)

6) 威尼斯人:玻璃纖維福猴雕塑

25 位本地藝術家精心手工裝飾,放棄用金改用玻璃纖維,每件雕塑都具備藝術家們別具一格的特色,影相一樣咁靚!

地點:澳門金沙度假區之澳門威尼斯人戶外人工湖畔區及星光之橋(其中 13 件展品)

同場加映:

7)威尼斯人:三十呎大型桃花樹

相傳圍住桃花樹轉 3 圈,下年人緣就會變好。係咪越大棵桃花樹就越靈驗呢?

地點:澳門威尼斯人戶外人工湖畔區

延伸閱讀:

澳門必試 8 款摘星街頭小食

澳門自助餐 6 大精選!附新年價格訂位情況!

澳門新春 5 大精選活動

澳門神隱美食 | 必試 2 月限定抹茶鯛魚燒

澳門賭錢必勝法

 

前往澳門有哪些交通方法?

可以選以金巴港澳快線金光飛航噴射飛航,即睇澳門交通2023懶人包。到達澳門後,則可坐輕軌氹仔線,途經碼頭、機場、多間酒店及主要旅遊區,澳門自由行時交通更加方便!即刻了解一下車站地點及列車設計等資訊。而澳門酒店由設計到設施都非常出色,GOtrip編輯整合澳門近年新開酒店情報,大家可Bookmark定,即睇:澳門酒店推介

有什麼澳門好去處?

澳門有不少新設施及全新好去處,其中澳門賭場必去景點食買玩介紹,玩轉澳門!然而,澳門美食眾多,除了豬扒包,也可到各大酒店享用自助餐及打卡必去的陽台Cafe當半日文青。