維園年宵今日開始啦!維園年宵不但係全港最大,每年檔攤出售的產品更係創意盡出,由啜核檔口名到食字產品樣樣都趣味性極高, GOtrip 編輯部有同事今日亦都去行咗個大運,為大家搜羅今年進駐維園年宵的創意產品!

1) 創意港鐡站名布袋

維園22號檔:廿二啊who

主力賣布袋,位於維園年宵22號檔,上面印嘅字句夠晒創意,例如「來回大學又折返人間」、「上水上貨上水貨 大袋大圍大包圍」、「伙計嚟碗西灣河」、「你真係唔見觀塘唔流眼淚」等,貼近香港人生活又有幽默感!

2) 立體揮春,循環再用夠環保

維園196號檔:猴打意

196 號檔「猴打意」主打布製立體揮春,內容有啱學生嘅「過三爆四」,仲有搞笑揮春「男人的浪漫」等,檔主話揮春款式多,男女老少都會搵到心頭好!

3) 勁真實食物咕?

維園154號檔:凸出街市

維園年宵有街市?呢檔街市真係夠晒「凸」出!啲食物嘅紋路做得好仔細,遠睇真係以為有咁大舊三文魚買!

 

4) 香港彈起創意揮春、年曆

維園109號檔:愛在大街小巷中找你

主打香港本土風情嘅「愛在大街小巷中找你」今年繼續發揮創意,除咗有打工仔最愛「瞓到自然醒」揮春,仲有勁靚立體年曆,同 1:1 石油氣咕?,咁有本土味,點可以唔支持下!

 

下一頁:懷舊零食變咕?  西毛記見真‧主播!

5) 懷舊零食咕?

維園190號檔:拾舊

孖條、花沾餅,相信係好多人嘅童年零食,宜家真係買少見少,路過懷念下之餘買個返去攬下都好架!

6) 攬得嘅 ZooKeeper

維園166號檔:cityzooper

ZooKeeper 呢隻遊戲相信大家都玩過,而且仲易玩到唔停得手!CityZooper 將佢哋化為咕?,仲有膠 file、襪同孖煙通,可愛得嚟又夠實用!

7) 「一咕三用」猴頭咕

維園218號檔:猴頭咕

呢檔賣嘅係(猴)年(頭)枕+(咕)?+暖手套一咕三味嘅創意產品,一個當三個用,嚟緊過年聽講又會凍返,買個嚟暖下手都唔錯。

 

8) 去「西毛記」見真‧主播同真‧腦細

維園218號檔:西毛記

今年100毛化身成「西毛記」,賣嘅除咗自家出版社嘅書,仲有「西毛記」入面嘅5隻妖魔,以香港高官或議員為題材,香港人見到實會笑!不過最吸引嘅當然都係有機會遇到真‧腦細林日曦同各位真‧主播!去野生捕獲話咁易!

下一頁:創意產品陸續有嚟  真‧河國榮又睇中邊檔?

9) 自家設計 大大支咩嘢?

維園105號檔:理大支野

「黑人牙膏」變成「奸人牙膏」,「毛脾膏」又用嚟搽乜?自家設計大大支咕?,不過編輯去到時仲未開檔,實物有幾好攬就真係唔清楚啦。

10) Kinder 出奇大蛋?

維園146號檔:是Cute蛋蛋

大大個Kinder出奇蛋都係今年年宵嘅其中一個焦點,不過同樣地編輯去到時仲未開檔,冇得一次滿足三個願望啦。

11) 勁過癮Whatsapp對話牌 真‧河國榮都話正

維園201號檔:有錢有猴

由一班九龍華仁書院學生搞嘅年宵檔夠晒創意,將好多網絡金句製成Whatsapp對話牌,仲有勁可愛暖手馬騮,連河國榮都話正啊!