位於關西嘅京都除咗係有名嘅賞楓地方,仲有好多個人魅力,好似手作市集同古物市集都係京都不容忽視嘅一環嚟架!行市集有得食有得買,買俾自己得,買嚟做手信又得!最重要係分分鐘有機會以超抵價執到寶!為咗等愛寶之人方便去晒每一個各有特色嘅京都市集,我哋將佢列晒整理好出嚟,各位快啲做定功課啦!

1) 梅小路手作市集 – 京風手作集中地

位於梅小路公園嘅手作京都市集係每個月嘅第 1 個星期六舉行,攤位眾多,而且亦都會發堀到唔少「京風」嘅手作仔。作為遊過古式古香嘅京都,不如買下本地人嘅作品留為紀念吧!

【名稱】梅小路手作市集(梅小路公園手づくり市)
【地點】京都市下京区七条大宮 梅小路公園
【交通】JR京都往西步行約15分鐘
【時間】每月第 1 個星期六(09:00~16:00) ( 雨天照常舉行 ) ( 1月及5月為定休 )
【網址】http://www.tedukuri-ichi.com/

2) 北山手工藝市集 – 睇安藤忠雄建築兼做文青

北山手工藝市集嘅舉辦地方係美術館嘅庭園北山 craft garden,主旨係陶瓷同藝術嘅結合。所以陶瓷嘅手作都唔少架~而且呢個北山 craft garden 更係由著名建築家安藤忠雄所設計,逛市集嘅同時更可以欣賞周邊嘅建築物同藝術作品,文青FEEL十足呀!

【名稱】北山手工藝市集(北山クラフトガーデン)
【地點】京都府京都市左京区下鴨半木町陶板名画の庭
【交通】京都市營地下鐵烏丸線「北山站」下車、3號出口的東面
【時間】每月第 1 個星期日(10:00~17:00)(小雨照常舉行) (1月及10月為定休)
【網址】http://kamigamo-tedukuriichi.com/

3) 東寺破銅爛鐵市 – 有機會真係執到寶?

係每個月嘅第 1 個星期日都係定期舉辦嘅がらくた市・手づくり市,がらくた意思就係一啲無用嘅雜物、爛銅爛鐵等等。但呢啲物品可能對你或者古物愛好者都有價值架!另外除此之外仲有手作市集同場上映~唔好錯過呀。

【名稱】東寺破銅爛鐵市(がらくた市・手づくり市)
【地點】京都市南区九条1東寺
【交通】JR或近鐵京都站沿著新幹線往西行步行約10分鐘
【時間】每月第 1 個星期日(09:00~16:00)
【網址】http://www.toji.or.jp

4) 平安樂市 – 精緻手作少女最愛

係京都平安神宮前每月嘅第二個星期六都會舉辦平安樂市,係以手作為主嘅京都市集,包你可以搵到好多各式各樣嘅精緻手作!

【名稱】平安楽市(岡崎公園手づくり市)
【地點】京都府京都市左京区岡崎最勝寺町(京都市左京区岡崎公園)
【交通】京都市營地下鐵東西線「東山站」下車、往北方向步行約8分鐘
【時間】每月第二個星期六(10:00~16:00) (雨天照常舉行)
【網址】http://kamigamo-tedukuriichi.com/

下一頁:室內都有市集!京都NO.1 又係邊個?

5) be京都アンテナショップ – 唔怕落雨屋內形手作市集

呢個市集應該都算如眾不同,因為佢係屬於屋內形手京都市集,就算外面橫風橫雨都一樣無阻大家愛逛市集嘅心。參與店舖每月大概有30家,都係每位手作人心血結晶。而且舉辦日期每個月足足為期五日,唔怕會走寶啦!

【名稱】be 京都アンテナショップ 町家手作り百貨店(屋内型手作市集)
【地點】京都府京都市上京区安楽小路町 419
【交通】地下鐵烏丸線「今出川站」2 號出口步行約 5 分鐘
【時間】每月第 2 個星期六至星期三(11:00~17:00) ( 1 月只舉辦 3 天)
【網址】http://www.be-kyoto.jp/event/antenna/index.html

6)上賀茂手作市集 – 有得買有得食

上賀茂手作市集位於上賀茂神社,每個月嘅第 4 個星期日舉辦。除左有好多本土手作,亦都同好多京都市集一樣有唔少攤位小食,行到累嘅食下章魚燒醫下肚再行過!

【名稱】上賀茂手作市集(上賀茂手づくり市)
【地點】京都府京都市北区上賀茂本山 339 番地上賀茂神社
【交通】
搭乘市巴士 4 或 46 號到「上賀茂神社前」下車
【時間】
每月第四個星期日(09:00~16:00)
【網址】http://kamigamo-tedukuriichi.com/

7) 百萬遍手作市集 – NO.1京都市集

百萬遍手作市集係京都嘅手作市集絕對係數一數二架!除左人流好多,佢擺攤嘅資格都係要經過抽選架~而且仲要100%純手作,手作愛好者必逛!

【名稱】百万遍さんの手づくり市
【地點】京都府京都市 左京区田中門前町 103  知恩寺境内
【交通】京阪電車京都線「出町柳站」步行約10分鐘
【時間】每月的15號(08:00~16:00) (雨天照常舉行)
【網址】http://www.tedukuri-ichi.com/

8) 東寺初弘法市 – 最大規模古物市集

京都市最大規模嘅古物市集絕對係東寺嘅弘法市,店家保守估計會有破千以上,如果慢慢行都可以要幾個鐘!市集入面分好小食、雜物、古物攤檔,應有盡有。唔單止我地遊客,其實本地人都好愛逛架~

【名稱】東寺弘法市
【地點】京都市南区九条1東寺
【交通】
JR或近鐵「京都」站沿著新幹線往西行步行約10分鐘
【時間】
每月的 21 號(05:00~17:00)
【網址】http://www.touji-ennichi.com/index.htm

下一頁:去賞櫻名點邊睇花邊行市集(附1、2月市集時間表)

9) 北野天滿宮天神市 – 愛古物者天堂

每個月嘅25號,係北野天滿宮都會舉辦天神市。基本上300家店佔大多數都係古物、古董等等。愛好舊事物嘅你可能係度發堀到你嘅心頭好~

【名稱】北野天滿宮-天神市(天神さん)
【地點】京都府京都市 上京区馬喰町北野天満宮
【交通】
從JR京都站搭乘市巴士 50或101號到「北野天満宮前」下車
【時間】
每月的25號(06:00~16:00)
【網址】http://kitanotenmangu.or.jp/index.php

10) 本門宗藝術市集 – 藝術家手作藝術品

對於唔好古物古董嘅你,可能呢個會比較好逛。同樣係每月嘅 25 號所舉辦嘅本門宗藝術市集,全是民間藝術家嘅手作藝術品。行完仲可以欣賞埋旁邊嘅京都佛立博物館,一舉兩得!

【名稱】本門宗藝術市集(ほんもんさんアート市)
【地點】京都府京都市上京区御前通一条上る東竪町 110 京都佛立博物館
【交通】
搭乘市巴士 10/50/51/55/101/102/203號到「北野天満宮前」下車,步行約2分鐘
【時間】
每月的 25 號(10:00~16:00)
【網址】http://www.kyoto-shikakeya.com/honmonsanartichi/index.html

11) 醍醐市 – 賞櫻兼行市集

醍醐寺其實係京都賞櫻的好地方之一。除此之外仲有定期舉辦的醍醐市,亦都係同好多市集一樣,集古物,小食,手作於一身嘅綜合市集。如果你又咁啱嚟賞櫻參拜嘅話不妨去行下!

【名稱】醍醐市(だいごいち)
【地點】京都府京都市伏見区醍醐東大路町22醍醐寺
【交通】
搭乘京阪巴士 22 號或 22A 號到「醍醐寺前」下車
【時間】
每月的29號 (09:00~16:00)
【網址】https://www.daigoji.or.jp/special_news/daigo_ichi.html

延伸閱讀:

京都下京區 「夢館」和服體驗遊記

京都町家民宿-小都音

京都北山樂遊遊

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

大阪有什麼好去處及景點推介?

大阪自由行必去這些景點,當中包括USJ大阪環球影城,即睇USJ門票及交通攻略。然而,去旅行怎可忽視美食部分?必到這些人氣美食餐廳,當中更有蟹宴放題平價米芝蓮餐廳之選。另外,不得不到溫泉旅館/按摩店溫泉主題樂園全新門真大型三井Outlet商場臨空城OUTLET。準備到日本賞櫻花的大家,可預先一看日本櫻花花期預測