今次Grand Tour of Switzerland所選的路線-國家單車徑Route1 / Rhone Route 隆河路綫(之前個啲前戲黎架咋)。之所以選擇 Rhone Route 是因為這條單車徑難度1粒星(唔計Furkapass個Part),但可看到5星級的風景。

三角朱古力標誌 - 馬特洪峰 Matterhorn

源著 Rhone Route 到了 Morel 可坐吊車上Riederalp並留宿一晚。Riederalp 是一個汽車不能進入的 Eco Village(又,當然可以帶單車上吊車)。在這裡可以眺望瑞士三角朱古力的象徵-馬特洪峰 Matterhorn;如果想成為山中之子,可以再坐吊車上阿萊奇冰川 Aletsch Glacier行山;如要終極挑戰,可以選擇踩Mountain Bike上山(當時就睇住一個老人家踩上山,佢嘅速度快到連相機都拎唔切出嚟)。

瑞士芝士當正餐

第三天從Riederalp回到Rhone Route (無錯,又落山),到達了一個小鎮Salgesch。Salgesch位於德語區和法語區中間,亦是一個葡萄酒產地。當晚我吃了人生最長的晚餐,餐廳老闆熱情款待我們吃傳統瑞士烤芝士(飲食詳情請參考未出街的飲食攻略),他們沒有隊酒,但不斷地隊我食芝士(OMG,好嗱滯)。去瑞士不想增肥的話,強力推薦單車旅行,邊食邊運動就最好喇。

人生有幾多次PK?

第四天到達Saillon,在這裡奉獻了人生第二次單車PK。在PK的那一秒,我只想保護我的Sony Action Cam (唔係賣廣告,只是淆底要賠錢),好在沒有毀容,亦唔洗即刻飛轉韓國。雖然電話爆MON了,自拍鏡頭已廢,還好可以拍下受傷的玉手,用Telecom Square 的歐洲 Wifi 裝置 Wi-Ho! 給家人朋友報平安(置入式廣告在最後出現了!)。