嗌凍咖啡Cold Coffee被侍應當場話錯　7大餐廳糗事港人尷到暈：英文好難搞

用英文嗌Cold Coffee被侍應指聽唔明　7大餐廳糗事遇到超尷尬

以往不時有港人在網上求救，指自己要到西餐廳用膳，擔心不懂得用英文點餐會被同行友人或侍應「睇唔起」，因而每次都要做足功課才敢踏足餐廳範圍內。不過早前有網民指自己用英文點凍咖啡時被侍應指「講錯晒」，令事主尷尬萬分。同時亦令網民點出7大餐廳糗事，「諗起都尷尬癌發作」。

1.講英文搞唔掂，炒車率100%

英文點餐，是不少人的心理關口，更何況到高級餐廳？港人第二母語為英文，功力一般而言也不會太差，不過並不代表每個人都可順口而談。有網民分享了自己一次嗌凍咖啡的經歷，當時他向侍應表示想要一杯「Cold Coffee」，誰知侍應表示聽唔明，並當場糾正指正音是「Iced Coffee」。事主即時紅都面晒，不敢抬頭。又有網民試過想拎牙籤但把「Toothpick」講錯為「Toothpaste」，頓時尷尬到「想縮返入阿媽個子宮」。

2.入座睇餐牌，貴到衝出餐廳

餐廳午市與晚市的價格大不同，午市通常會提供價錢相宜的Lunch Set，而晚餐的Dinner Set或是散叫的價錢不難看到翻倍計的銀碼。有網民指，曾與朋友打算晚上去平時午餐會到的餐廳用膳，但安坐後一看Menu發現其價格幾何級上升，與朋友數3聲之後就直衝出餐廳，場面為之震撼。雖然過程中不敢抬頭望人，但都感受到大家的白眼。

3.凍飲糖水自己落

眾所周知，一些高級餐廳在叫凍飲時，會提供糖水去讓客人自由選擇其甜度。有網民就指自己在公司聖誕聚餐時，向侍應霸氣地叫出「凍檸茶少甜！」，誰知侍應就淡淡地回一句：「自己落」。事件頓時令事主陷入尷尬深淵，從此不敢大聲落單。

4.認錯人，坐錯位

打邊爐是香港人一年四季都會吃的選擇，不過有網民指打邊爐最難是認座位！因時常要離座自助取豉油，樂極忘返時超易坐錯其他人的桌子，頓時感受到其終極尷尬之感。

5.入錯餐廳

不少餐廳的名字都十分相似，很多時候如果沒有看清楚地址的話，容易會出現去錯餐廳的問題。有網民指試過去到門口與接待員再三確認Booking時，被告知沒有預約，動怒再三確認是否真的沒有booking時，才發現餐廳名只是「相似」，而非同一間，最後發現原來自己去錯餐廳，頓時低頭叫的士走人。

6.以為職員落錯單

為求快手，餐廳侍應常以簡寫落單，有網民分享自己與另一半有次前往譚仔食米線時，女朋友叫雞肉魚蛋後發現單上打了「雞蛋」，然後就衝去收銀處與店員理論，殊不知該「雞蛋」只是雞肉魚蛋的簡寫，日；即時尷尬到爆，又擔心被「加料」。

7.難分牙籤筒與胡椒粉

有飲過西湯的食客都知道，落胡椒粉可以增加其風味，令到其更加出色。不過有些餐廳將盛裝胡椒粉的罐與牙籤罐十分相似，乍看之下很難發現誰真誰假。有網民就在心急之時想落胡椒粉，點知就落錯了牙籤，令到自己的忌廉湯都充滿著牙籤。

網民：得香港人咁鍾意教人英文

難怪不少港人指「喺香港唔敢講英文，外國就完全無問題」，因少少文法不對都會被人白眼。有住在美國的網民指「美國呢邊你點菜，侍應大多明白你意思照幫你落單，一D都唔會笑你英文唔好或者當場糾正你。語言係溝通工具，並唔係炫耀學識嘅工具，係香港人咁鍾意教人講英文」，亦有網民教路，指「只要堅持自己係要嘅係cold coffee, 係要無ice 嗰種cold，即係冰陣奶茶啲friend就得」。不過亦有人指「正常係用 Iced Coffee，凍檸茶叫 Iced Tea，凍奶茶叫 Iced Milk Tea，邊到有人用 Cold 架？呢 D 咪叫廣東話式英文囉，Cold 同 Iced 根本兩件事」。