女生住酒店半夜熱醒 投訴冷氣長期27度反被鬧：點解得你有問題？
最近有女生在網上發文大鬧酒店指其「超級無敵雷雷雷雷」，事源她傍晚時分入住酒店房，當時冷氣溫度是屬於正常並無異樣，惟一直到晚上11時後整間房間的溫度就開始上升，最高到升至27.5度，變得相當悶熱焗促，當時打給前檯提及情況後，對方安排一名男性職員檢查，誰知第一句已質疑她「你較太低溫度所以唔涼」。
後來給她風扇吹一吹才令房間溫度降溫，但卻使她難以入睡，半夜熱醒後再找酒店職員投訴，對方安排同一職員上房檢查，女生反映「我之前加咗錢要求遲退房，但呢間房真係太熱，可唔可以換房」，誰知男職員用奇差的態度指「成間酒店都Full晒啦，無房畀你換」。
職員唸經式炮轟事主：你都好奇怪喎！
然後不停重覆指「你都好奇怪喎，成間酒店都無人投訴冷氣有問題，點解得你一個話有問題呢？其他人都無反應，得你一個話熱，如果有問題就成間酒店一齊有問題啦。我去埋機房睇都無問題，根本無可能有問題⋯⋯」
到最後女生忍住不發脾氣，只問對方經理的上班時間然後決定提早退房，指自己已被酒店職員的態度大大影響心情「超級掃興」，本身已熱得不耐煩，酒店還安排一個「火上加油」的職員來，最後唯有沖冷水涼降溫。最後她再強調「我相信每間酒店都有值得好評嘅地方，但職員質素真係好重要！」
網民：調較溫度低所以唔涼都講得出？
網民得悉後均為女生抱不平，指「調溫度低所以唔涼，咩邏輯」、「淨係早退房就算？你會唔會太大容忍力」、「個職員好明顯覺得你阻住佢休息要佢做嘢而咁對你」、「冷氣唔夠涼最接受唔到，房已經無窗，空氣流通全靠個部冷氣」、「住酒店吹27度我不如返屋企，內部實係Set咗嘢」、「其他人無問題就代表全部人無問題？佢第一日出嚟做嘢啊？」
