迪士尼最近可謂相當進取，除了上星期介紹過的暑假住宿優惠，今個星期又出招，推出生日優惠及3大酒店的住宿優惠。適逢探索家酒店1周年，今次推出港人限定訂房優惠，最平$1,188即可，最多2大2小入住，所以除開每人最平$300/晚就可落樓。而園方更推出生日優惠，5、6月的壽星在生日月份入住，可免費獲贈樂園門票，而同行親友亦可享85折門票！
撰文：Keith＠蕭一叔 ｜ 圖片：新傳媒資料室、有關機構 （原文刊於《新假期》網頁）
迪士尼生日優惠 免費入場＋買飛85折 至少慳$897！
說起香港兩大樂園，大家一定最留意其入場優惠，因為門票認真唔平，閒閒哋都四、五百，請埋女朋友去，盛惠一千大元吧！所以樂園生日優惠最為吸引，海洋公園的生日免費入場優惠不用多說，最近「對家」迪士尼終於有生日優惠喇！雖然只限5、6月，而且要配合此次住宿優惠使用，都好過冇吧！凡5、6月的壽星在生日月份入住，可免費獲贈樂園門票，而同行親友亦可享85折！以2大2小的四人家庭為例，壽星自己免費已慳$619，而同行友人可享85折門票（最少買3張），所以加加埋埋至少慳$897呢！
迪士尼推3大酒店住宿優惠 最平接近半價
01 | 最抵！迪士尼好萊塢酒店 最平玩法 每人$300/晚
上面的生日優惠需要配合此次一周年住宿優惠才可使用，不過放心，因為這次園方一次過推出3大酒店優惠，而最平的好萊塢酒店只需$1,188/晚，房間原價為$2,100，所以平近一半。如果男女朋友一齊去，每人約$600/晚。但係如果是一家大小，爸爸媽媽加兩位12歲以下的小朋友，因酒店房內都備有兩張雙人床，可供2大2小入住（12歲以下小童不需另加收費）。所以上述的4人同行，除開每人只需$300/晚就可入住了！現在即睇3大酒店的房間、價錢、設施、餐廳，慢慢揀心水的入住吧！
迪士尼好萊塢酒店內的餐廳
02 | 最新！迪士尼探索家度假酒店 熱帶風情夠特別！
充滿探索味道的酒店大堂
酒店大堂的設計也配合了探索概念，當中桌椅、座地燈也是皮喼、望遠鏡等充滿探索感覺的設計！其實今次酒店更有設計箴言，就是拉丁文的「ad explorare et somniare」，叫人勇於探索及開創夢想，完全配合迪士尼幻想的特性！
叢林商店 23款新酒店主題精品
佔地2,200呎的叢林商店，當中除了售賣約1,600款的迪士尼商品，更有數十款以探索家酒店為主題的精品，如水杯、雨傘、記事簿等等。