人人都話要「本土」,除咗政客之外,去年年尾就有Hello Kitty化身大澳棚屋村姑,今次就輪到迪士尼一班老友記!

記得不久之前,有熱愛迪士尼的Fans感嘆香港迪士尼的宣傳做得唔夠好,園區內米奇米妮出現的限定造型欠缺宣傳。可能有見及此,今次香港迪士尼就做足準備,將3月17日起至5月29日「春日限定角色造型」預先向網友揭曉,想不到下面反應真係好大,說的是留言區的網友回應,句句綴核,令人笑到噴飯!

01/ 血印米奇

官方說法:米奇的春日限定新衣以香港傳統帆船為主題,以獨特的水彩技巧細意呈現
網友點睇:大家似乎Get唔到「水彩帆船」,個個以為心口血跡!

  • "米奇劈完友黎之後去開工???"
  • "英雄主義囉,疊馬囉"
  • "似殺完人仲係度笑lo."
  • "眼花 以為佢件衫寫住長毛兩隻字"
  • "西褲咁既款襯黑鞋好大陸囉"
  • "浩南鼠"
  • "件血衣……我諗起萬梓良"
  • "人血米奇社民連"
  • "眼花 以為佢件衫寫住「長毛」兩隻字"
  • "我只想到長毛的人血饅頭~~"
  • "想畫帆船 … 但真係似血痕 …"
  • "古惑仔劈友就是本土特色"
  • "佢屠殺完米妮呀?"

02/ 洋紫荊米妮

官方說法:米妮穿上以洋紫荊的主題服飾,服裝上附以花飾點綴、高貴大方
網友點睇:

  • "佢哩件衫都少少似空姐小心引發空姐逃亡潮!!"
  • "米妮個眼影好大x樂定大x活feel"
  • "做乜搽牛眼淚?"

下一頁:仲有!紅白藍唐老鴨 VS 娘味濃高飛狗

03/ 紅白藍唐老鴨 & Daisy

官方說法:好動的唐老鴨與黛絲,穿上香港特色的「紅白藍」袋為設計主題的上衣,配襯一身牛仔布服裝
網友點睇:

  • "很難看,紅白藍就香港嗎?"
  • "唐老鴨究竟幾時先肯著番條褲?"
  • "似乎得唐老鴨正常啲"
  • "小樣們,港英旗夠紅白藍,你地又中意?唔中意紅白藍,紅色啱唔啱呀?"
  • "紅白藍我只聯想到尼龍袋囉"
  • "千頌伊…"

04/ 土佬高飛

官方說法:高飛穿起舒適合身的優閒褲飾,上衣印上香港著名的維港景致,以時尚優閒的打扮示人
網友點睇:真係代表香港?網民唔係咁睇:

  • "個圖案似啫啫"
  • "苦力造型你識條鐵咩"
  • "以前d窮人先會用布補衫。做咩者而家。。。。"
  • "青山主題樂園"
  • "比人兜心口踩左幾腳咁"

05/ 馬路之友Chip-n-Dale

官方說法:大鼻帝帝及鋼牙奇奇的新裝則以香港公共交通工具為概況,令兩隻小花鼠可愛無比
網友點睇:對呢對組合嘅造型網友似乎無乜投訴,不過感覺都幾似香港電台啲太陽計劃Tee

06/ 夜景狗牌布魯圖

官方說法:頸上也換起以香港夜景為主題的吊牌
網友點睇:"似乎得佢比較常"

07/ 雞蛋仔Duffy 與蛋撻ShellieMay

官方說法:特色服裝以地道小食– 雞蛋仔與蛋撻為靈感,色彩奪目
網友點睇:終於有食物為主題的造型,明顯無咁多負評!

結論:最能代表香港的,始終都係食!