尖沙咀亞士厘道一間隱世茶餐廳「深仔記」，味道質素向來都有口碑，廚師班底包括前雅谷餐廳Amigo廚師及前澳牛炒滑蛋宗師，價格又夠貼地，附近返工的一班OL白領自然好評如潮！今個冬天，「深仔記」限時推出12款秋冬煲仔飯，其中包括聽落超有特色的日式鰻魚煲仔飯，全部定價$68起！

撰文：CY｜圖片來源：深仔記

尖沙咀「深仔記」推12款秋冬煲仔飯$68起！首推日式鰻魚煲仔飯

來到冬天，就當然少不了食番個煲仔飯暖暖身！尖沙咀隱世茶餐廳「深仔記」由即日起，於晚市時段正式推出秋冬限定煲仔飯！當中少不了鹹蛋肉餅、臘腸排骨等傳統中式煲仔飯。

今次更新推出日式鰻魚煲仔飯，一煲滿滿的日本風情，簡直重拾旅遊感覺！價格更是貼地，由$68起至$78，最啱朋友兩人嘗嘗鮮！

尖沙咀深仔記推12款秋冬煲仔飯$68起！首推日式鰻魚煲仔飯　
尖沙咀「深仔記」推12款秋冬煲仔飯$68起！首推日式鰻魚煲仔飯！

想食12款秋冬煲仔飯就要注意！期間限定由即日開始，每日下午5:00至晚上11:30，僅限尖沙咀亞士厘道分店供應。

深仔記茶餐廳

  • 地址：尖沙咀亞士厘道 29-39 號九龍中心地下 A 舖
  • 電話：9377 0072