每到新年,除咗拜年之外,拜神都係香港人傳統習慣,當中林村許願節相信大家都聽過同埋去過喇!每年都有不同表演、小食攤位,仲有別出心裁嘅新春巡遊花車都會喺林村廣場一一展現!

text –  Cowboyz    圖片- Ig 香港許願節facebook 

2018林村許願節活動

拋寶牒

話明林村許願節,當然離不開為人所熟悉嘅祈福儀式拋寶牒。只要將願望寫在寶牒上面,然後將寶牒綁上桔子(現在改為膠桔),誠心祈禱後掟上許願樹而成功掛喺樹上面,即係代表願望即將成真!

祈福蓮花燈

通常大家見到蓮花燈都係喺長輩WhatsApp group入面,其實流放蓮花燈亦都係傳統祈福儀式,大埔林村都有許願池放燈,讓願望隨水運轉。

新春花車展覽

大年初一晚新春巡遊花車,一如以往會喺林村許願廣場作公開展覽。如果miss咗當晚冇去睇嘅人,可以去林村慢慢欣賞。

攤位小食

根據以往林村許願節攤位經驗,小食絕對唔會令遊客失望!好似大埔漁村秘製的海產如燒金蠔、原條魷魚廣獲好評,所以許完願唔急,掃晒先好走!

 

交通事項

由於林村一帶道路較為窄,而林村節又非常多人參與,所以每年警方都會在林錦公路實施交通管制,奉勸駕車人士喺呢個繁忙時段最好改搭公共交通工具,否則天黑都入唔到去玩!

日期:2月16日- 3月4日 年初一至年初四及十六、十七開放時間為9:00am-9:00pm;其他時間為9:00am-7:00pm
地點:大埔林村鄉公所路林村許願廣場

精選20款網購 拜年必備 玫瑰棗紅時裝 | 新年你最紅!