香港有望「0+7」隔離檢疫安排？網民反應不一：對經濟作用不大
醫務衛生局局長盧寵茂（17日）透露，政府有可能於本周宣布酒店隔離新政策，有機會由原本的「3＋4 」（即3日酒店隔離檢疫及4日家居監察），改為「0＋7」（即只需7日家居監察即可），希望早日與國際接軌。而坊間一直有聲音指，「一日仲有酒店隔離，一日都唔會去到旅行」，及至現時有「0＋7」的可能性，雖然出發旅行的人會增加，但網民看到消息後就指對經濟作用不大，更列舉出5大原因。
一、本地防疫政策過於嚴緊 ：好趕客
網民指，由於本地的防疫政策市民出入要掃安心出行、口罩令加上限聚令等政策，相比起其他地方相對嚴緊，即使放寬入境隔離安排，但本地的防疫政策亦會令外國人卻步。網民指「一日唔改變，一日都唔會吸到人入嚟」，認為現時做法「好趕客」、「外國人邊個會同你戴口罩」。
二、「黃碼」無堂食：唔通叫旅客買食兩餸飯？
現時香港的安心出行有分紅、黃、藍碼，監察期間不能堂食，娛樂場所亦不能進行。換言之，外地人來港後每日都要買外賣回到室內私人地方進食，「即係人哋嚟到變相每餐都自我隔離緊，你唔覺煩人哋都覺煩啦！」網民再指：「醫學監測期仲係黃碼，唔俾人堂食，唔通叫人哋嚟食外賣？」、「可以送本兩餸飯指南俾佢哋」、「同時話俾人哋知香港係國際兩餸飯之都」等回應。
三、對外國人成效不大 一樣要住酒店
回港人士可家居監察，但對於從商人角度而言情況依然沒有改變，「你焗住要人留香港7日，而7日除咗可以上班同去商場之外，所有娛樂地方同餐廳都無得去，變相咪又係要留喺酒店」、「有時公幹只係嚟3日做嘢，但監察最少要7日，無啦啦比多4日酒店錢，仲唔抵」。網民更指對於商人而言，不如去新加坡更方便。
四、方便港人外遊 變相打擊本地經濟
「0＋7」的隔離措施方便了香港人回港時可以在家監察，不必另外花一筆錢住酒店，同時可以在家工作。在本地工作的港人認為：「咁放哂啲人走，香港咪無人消費？」、「咁對香港經濟仲大打擊」、「大部分玩樂嘅資金出走去其他地方」。
五、成效不大 建議封關防「猴痘」
有網民認為此政策對香港經濟沒有太大幫助，又考慮到放寛時有可能因而把更多病毒帶入香港，指：「無乜用不如封關啦，唔好將啲病毒帶入嚟」、「而家每日仲有8千幾單喎，邊度穩定？」、「一陣整埋啲猴痘入嚟點收科」等回應。
猴痘前兆/症狀/傳染途徑/疫苗一文睇清
贊成網民：按步就班，逐步開放
不過有網民就對此保持正面的意見，認為現時處於實驗階段，將來會逐步開放，指：「會慢慢開放㗎啦」、「好快變0＋0」。有網民亦都因此使旅遊意慾上升，指：「成年無放過假，日本我來了」、「我都即刻去返轉旅行，困咗幾年，日日對住香港人你唔癲我都癲」。
「0＋7」的做法未必所有香港人接受，但對於旅遊業而言則樂見這措施。東瀛遊執行董事禤國全先生曾接受《GOTrip》訪問時表示改行「3＋ 4」後，旅客查詢日本團的人數大增，9月和10月的旅行團陸續報名滿額，相信再進一步放寬會吸引港人出境消費，不過他同時提到「如果要全面通關，亦要考慮到香港航空班次及機位的數量，現時雖然航空公司都加緊增加航班，但供不應求下機票價格難免上漲。」
需要完成疫苗接種才可入境香港嗎？
根據現時香港政府政策，2022年8月12日起，不論香港居民或非香港居民，都可從海外地區或台灣入境香港，惟相關人士…詳情請看
返港前需要在外地接受PCR核酸檢測嗎？
如入境香港，3歲或以上的到港人士需持有48小時2019冠狀病毒病PCR核酸檢測陰性結果證明，抵港人士需要持有一份由化驗所或醫療機構發出的中文或英文檢測報告，當中需載有…詳情請看