香港現時仍然實行「0+3」的入境檢疫隔離措施,坊間已有不少聲音爭取「0+0」以吸引旅客訪港,重振旅遊業及經濟活動。坊間一直有討論指香港「對比新加坡真心輸晒」,而最近過了10月1日的「黃金周」後,有網民在討論區指香港「輸多鋪」,連澳門也追過香港。有剛去完新加坡返港的網民表示「去完就明香港有幾趕客,0+3真係煩到爆但其實意義不大」,更指「周圍都開晒關,點解要嚟香港?」

香港 0+3 網民在討論區指香港輸給新加坡後,再輸給澳門
網民在討論區指香港輸給新加坡後,再輸給澳門(圖片來源:[email protected] Raineil Cenzon)

「0+3」未見吸引遊客到港消費 網民:輸完畀新加坡,再輸畀澳門

疫情開始緩和,不少國家已陸續開關重新開始旅遊活動,香港早前改為「0+3」後有不少港人計劃出走旅行,但入境旅客則未有大幅上升。有數據指香港在剛過去的「黃金周」在「0+3」措施下,以內地及海外旅客計算在內,每日只約有6,000旅客入境;相反,澳門單是10月1日的入境旅客人數已超過37,000,在10月1日-3日入境澳門的人次達91,000,旅遊景點亦見熱鬧,與香港形成大對比。繼「輸畀新加坡」的說法後,網民表示「連澳門都輸埋」,指「香港而家就真係靜到水靜河飛,烏蠅飛過都聽到」。

香港 0+3 有數據顯示在過去的10.1黃金周,香港入境旅客人數被澳門拋離
有數據顯示在過去的10.1黃金周,香港入境旅客人數被澳門拋離(圖片來源:[email protected] Evangelista)

港人遊新加坡返港:去完你就明點解個個都唔揀香港

另外,亦有剛從新加坡旅遊回港的網民指「去完就明香港有幾趕客,喺嗰邊買嘢嘅時候,當地Sales都問我香港係咪好少人,新加坡而家好熱鬧」。她指現時「0+3」加上口罩令,連香港人外遊返港後亦不習慣。「你去到新加坡除咗搭公共交通工具之外其實都唔使戴口罩,人哋已經舉行緊大型創科會議、F1賽車都順利舉行,入境又唔使檢測同做核酸,外面嘅世界其實已經回復正常。」相反,回港後她指機場冷清,排隊輪候做PCR時間又長,回港後在指定時間要到檢測中心最少做3次核酸檢查,直言「麻煩到不得了」。她表示「連香港人本身都嫌煩同埋要搵地方做檢測,你叫啲人點樣嚟旅行?外國人嚟返工都覺煩啦!」

香港 0+3 新加圾機場已陸續回復人潮
新加圾機場已陸續回復人潮(圖片來源:GOtrip編輯部)

香港 0+3 當地戶外可免除戴口罩,遊客人數多
當地戶外可免除戴口罩,遊客人數多(圖片來源:GOtrip編輯部)

網民:香港有料,唔怕!

對於最新的旅遊入境數字,有網民指相信香港有實力,遲早可重振聲威,指「一開關就真係湧晒入嚟,到時我驚其他地方輸到驚」、「之前話香港輸畀新加坡就即刻有0+3,新加坡出多幾招,香港就又會反擊㗎啦」、「等睇香港0+0嘅一刻」;不過亦有網民指「而家去到邊又要Scan呢樣,又要Show Code又要Check嘢,其實大家都係等放寬做生意就會考慮嚟,認真而家好唔吸引」。

圖片來源:[email protected] Raineil Cenzon、[email protected] Evangelista、GOtrip編輯部、