有些地方距離很近,但未必會去,而有些地方距離很遠,反而會去。

經常渴望外地旅遊的心情就是這樣吧!

但得1-2日假期,又可以去邊呢?
南丫島係一個好特別嘅地方,一日之內可以感受到兩種唔同嘅小島風情。

點去?
香港站 F出口,去中環4號碼頭
去南丫島有2個方向: 1. 榕樹灣方向
2. 索罟灣方向
船程: 大約 30分鐘

榕樹灣–悠閒西化特色

今次就搭左榕樹灣方向,呢一邊充滿著西化氣息,有唔少特色嘅西式茶座同唔同風味嘅餐廳。

落船後就更係醫左肚先啦! 呢到咁多間真係會有選擇力恐懼症架! 因為間間都想食XD

結果被小小嘅土耳其薄餅屋吸引左,=.=||忘記左影門口。不過唔更要,認住佢就得喇XD正宗土耳其人做嘅土耳其薄餅,味道冇意大利嘅咁濃,不淡不濃,剛剛好!

室內得3張枱,應該容納唔到10個人左右。
不過細細地就可以同佢地交流多d喇! 佢地好樂意教你講土耳其話架!
可惜太難了,轉個頭就唔記得XD

之後就係橫街小巷中,瀏覽工藝品店鋪喇!

洪聖爺灣海灘
雖然今次冇落去感受下d沙,但睇落環境都唔錯,好有夏日嘅感覺呢!

假日有唔少居住係南丫島嘅外國人係海灘旁邊開BBQ Party呢!

穿過家樂徑,可以見到南丫發電廠!

仲可以見到索罟灣及前索罟灣水泥廠添!

由榕樹灣走到索罟灣,大約2小時,好在沿途有豆腐花同菠蘿冰消下暑姐!

索罟灣—古舊東方味道

索罟灣,以前係一個天然漁港,可以細味老香港漁村文化。

天后宮廟位於村口,相傳有150年以上嘅歷史。

係呢度,可以認識河口生態!

欣賞日落後再返回城市,都只是短短半小時。
南丫島獨特嘅小島風情,係假日唔錯嘅選擇!