觀塘至啟德郵輪碼頭渡輪 ,於4月9日正式啟航。

有傳媒於早上報導9:30啟航時表示,「搭客凋零、全船得三數人」;其實又唔係趕搭船返工,記者就嘗試配合周六悠悠閒的節奏,下午四點幾才慢慢前往試搭,發現都未至於「無人搭」,五點開船,大約有二十多名客人,情況似乎比早班理想。如果有興趣試搭,不妨留意以下幾件事:

01 | 觀塘至啟德郵輪碼頭渡輪  班次:

新航線逢星期六、日及公眾假期行駛,每半小時一班船。

觀塘碼頭首班船會在早上9:30開出,每半小時一班。
郵輪碼頭的首班船,則在早上9:45 開出,每逢15 / 45分開出。

02 | 尾班船:

觀塘開出的尾班船為6:30pm; 啟德開出的尾班船則是6:15pm,錯過咗就要搭小巴或巴士離開啟德喇!

03 | 收費:

成人每程收費HK$7,五歲以下小童免費。

更新: 渡輪初期只收現金,目前已新增八達通付款

04 | 觀塘哪裡上船?

留意觀塘上船位置是「公眾碼頭」並不是往返北角的「渡輪碼頭」,位置接近觀塘海濱公園;若由巴士站落車,要繞過駕駛學院才抵達,唔好行錯路!

05 | 單車、寵物點收費?

記者試搭過程中,都有單車客上船、亦有搭客帶同寵物,職員都沒有阻攔,無論是單車或寵物,都按規矩,除本身HK$7船費外再額外收費HK$7。如果想帶狗狗同行、放兔仔行草地,又或去碼頭踩單車,多一個方便又Friendly的選擇。

不過呢,又有單車友在討論區表示:「觀塘碼頭踩去郵碼好似唔駛 10分鐘⋯⋯」呢程HK$7 x 2的船費是否化算,就視乎你想如何設計單車路線了。

相關文章

香港單車遊 | 週末5大單車路線推介 

香港郊遊 | 海外傳媒點評!4 大特色 行山徑

大澳二級歷史文物酒店試住報告 

06 | 航程及風景

船程約9分鐘,留意啟德的碼頭並不是郵輪碼頭公園草地位置,而是郵輪碼頭公園後方,所以並非一落船就去到草地;

沿途仲可以睇到海濱公園的風景,包括九龍麵粉廠等工廠大廈,有家長乘客趁機會教仔女認識香港:

 07 | 其他注意事項:

天氣潮濕,上落船比較濕滑,船員都會多加提醒,服務良好:

08 | 有無人搭?

觀塘至啟德郵輪碼頭的渡輪,最多可載140人;記者搭5pm船往碼頭。落船後搭5:15pm回程,都有大約20位乘客,唔算好多,留意到有由西灣河搭到觀塘的市民,亦有觀塘街坊選搭。渡輪分上下兩層,大家都會揀樓上,樓下的船艙無人問津,風景好啲嘛!

到訪郵輪碼頭時,留意有工作人員為「AXA安盛香港街馬@九龍東2016」綵排.

09 | 4月10日特別航班!

為配合馬拉松活動,觀塘開往郵輪碼頭客輪將提早於7:00am開出,約半小時一班!