零食雜貨店「水晶屋」以抵買零食、飲品打出名堂,荔枝角和觀塘分店一向都有大量捧場客,今次小店殺入尖沙咀,一口氣租了28間蚊型樓上舖,零食照舊平賣,最抵買有$7.5/5包營多撈麵、$5/支津路烏龍茶和$2.8韓國啤酒等,即睇地址掃貨啦!

記者:Joan 攝影:LamLam (原文刊於《新假期》)

水晶屋 殺入尖沙咀 店主:租金要平!慳咗嘅錢回饋熟客

水晶屋於2016年6月開業,當時以$1/包陽光檸檬茶引起搶購熱潮,好多人一次過入貨上百箱,好快就賣晒!半年後開的觀塘店,同樣賣超平的零食雜貨,附近返工人士經常去掃貨。不足一年,小店殺入尖沙咀一間廣場內開分店,無礙商場有「死場」之名,更一口氣租下28間舖位,零食同樣賣得便宜,$2.83/罐韓國啤酒、$5/支津路烏龍茶,連問同區有那間零食店有如此優惠?

究竟點解可以有咁多優惠貨?店主Kent和Crystal小倆口坦言他們非大富大貴,做生意是從零開始。Kent開店前從事過飲品行業,開店後又認識了不少供應商,自然有門路拿貨,加上這幾年在管理人手和採購上亦落了不少功夫,租金亦要揀平租的,省掉的租金錢就可回饋給熟客仔,因而每星期都會有8-10款特價貨品,有些更抵的限時優惠更是手快有手慢無!

零食篇

01 |  Like Fb 即抵!$5北海道長腳蟹棒

做了小店的Fb Fans後,亦可以優惠價買到零食,例如原價$7的北海道長腳蟹,Fb Fans$5就買到,另一款原價$8的蟹柳條,Fb Fans$6.5就有交易。

02 | Haribo熊仔糖 原價$20 Fb Fans $15

Haribo熊仔糖一向受歡迎!而盒裝的更是難搵,$15有一整盒,放在Office岩晒!另外亦有可樂味,同樣$15/盒。

03 | 怪味糖(第4代) $25

Jelly Belly的怪味糖越怪越受歡迎,第4代有死魚、壞掉的牛奶和椰子味等,$25盒,買來整蠱朋友也不錯!

04 | 怪味糖轉盤裝 $69

好少見的輪盤裝!附盒附送小輪盤,轉到邊款糖就要食!考你運氣啦!

05 | 懷舊零食 哨子糖$5/包

小時候常吃的哨子糖,現在雖然都買到,但已經貴到近十元才有交易,這裡不但味道齊全,而且$5/包,激抵!

06 |  雜果口香糖 $10

同樣懷舊的還有雜果口香糖,一包有11小盒香口膠和吹波膠,超平!

07 | 明治彩絲糖 $18

明治的彩絲糖,咖啡味好難搵!只能在雜錦味道找到,$18/包,咖啡味Fans點都要入手吧!

08 | 家樂氏米通 $20/5塊 $60/20塊 $138/盒(54塊)

家樂氏棉花糖米通有原味、朱古力、COCOA Krispies和M&M口味,買一大盒好平,除開只要$2.5/包。

09 | 韓國乾焗原粒杏仁  $10/包

10 | 粟米湯薯片 $3/包

粟米湯薯片在眾多薯片中最平,只售$3/包。

11 | 脆炸蝦頭 $8/包

泰式零食亦很受歡迎,脆炸蝦頭有青咖喱和日式咖喱口味,$8/包,可以一試。

12 | 英國Kings牛肉乾  $28

英國品牌KINGS的牛肉乾,有煙燻和風乾口味,每包$28。

13 | 蒲燒太郎 原價$59 Fb Fans $49

一盒60袋的蒲燒太郎,Like Fb可以減$10,除開$0.8/包,超抵!

14 | 米餅 原價$20 Fb Fans $18

一包有6小袋,每袋有齊10款日式米餅,放在Office偷吃也方便。

15 | 海苔卷 $10

鹹香的海苔卷是獨立包裝,$10一袋。

16 |  麵包超人一口杯麵 $19

麵包超人的一口杯麵,市面少見,一包有4小袋,Fans可以一戰。

17 |  營多撈麵 $7.9/排(5包) $63.2/8排(40包)

最抵價!!!去一般超市,營多撈麵5排裝都要十幾元,這裡只賣$7.9/排,除開只要1.58/包,平到喊!

亦有一系列日式DIY食品,食得又玩得。

18 |  蠟筆小新DIY實驗Set $19/包

有整布甸和調製飲品的小新DIY Set。

19 | Minions奶昔杯 $18

20 | 馬來西亞D197貓山王榴槤雪條 $35/條 $32/杯

收銀處旁還有貓山王榴槤雪條,一拆包裝超香!期間限定,榴槤Fans不要錯過!

飲品篇!

就現場所見,飲品是比較令記者心動的,一箱買除開超平,如果大家想買荀貨,就最好預備手推車,一箱箱推走!

21| 限時優惠! 韓國Cass啤酒 買一送一! $34/12罐

限時優惠,韓國的Cass啤酒,有好多韓星都代言過,包括李敏鎬、金秀賢和尹恩惠等,在韓國國內非常受歡迎!原價$34/6罐,限時特價更買一排送一排,即$34/12罐,除開$2.83就有一罐!平過飲汽水!

22| 限時優惠!$10/1.5L茶

韓國男茶,是韓國傳統漢方的青草茶,而且有枳椇子成份,有護肝和解宿醉功效,1.5L大支裝只賣$10,宿醉必備!

23| 限時優惠!有氣橙汁味利賓納 $10/4罐

利賓納近期推出的有汽飲品亦有售!而且是橙及黑加侖子口味,$10有4罐,除開$2.5/罐,同樣抵買!

24| 限時優惠! 葡萄適Sport有氣運動飲品 $10/4罐

葡萄適Sport罐裝運動飲品,清爽解渴,除開都是$2.5/罐!

25| 雀巢咖啡 $30/盒(6罐) $108/箱(24罐)

$30有6罐雀巢咖啡,除開$5/罐,多買多平,買一箱的只需$4.5/罐。

26| 津路烏龍茶 $6支 $20/4支

津路烏龍茶一向是樽裝茶Fans的大熱之選!除開$5/支,要成箱買走!

27| 葡萄適 $6/支 $134/24支

便利店好難得才會特價的葡萄適,這裡單買就只需$6,買原箱還可減$10。

28| 日版可樂 煙花/櫻花 $13/支

日版可樂,櫻花版和近日新到貨的煙花版都是$13/支,可樂Fans可以考慮考慮。

29| 楊協成飲品 $10排(6包)

楊協成的飲品系列,雪梨川貝、菊米茶和甘蔗水均是$10/6包,同樣抵買。

30| if椰青水 $24/4支

if椰青水!!!連便利店都好快賣光的飲品,除開$6/支,要大量入貨!

31| if椰皇水+椰奶

if同系列還有椰皇水和椰奶,$6-$7有交易。

32| UC1000 $30/盒(6罐)

UC1000有檸檬和橙味,除開$5/支。

雜貨格仔箱

店舖還有一角是格仔舖,有多樣生活雜貨和精品,包括Vaseline、八達通套和即影即有相紙等。

水晶屋
地址:尖沙咀漆咸道南61-65號首都廣場一樓139號舖(顯示地圖
電話:9348 9409
營業時間:星期一至日 11:30am-9:30pm

 

延伸閱讀:$4平掃日韓面膜! 觀塘妝品開倉 超過30款日韓面膜放題