生日飯 系列點少得最受香港人喜歡的日、韓美食?今次推介 5 間特色餐廳,包括有酒店級放題,特級黑毛豬料理,巨型海鮮丼等,成班朋友食飯最夠氣氛!即刻睇睇話題餐廳:

1) 日本貴價魚放題 | 殿大喜屋日本料理

這間餐廳的放題有貴價食材,有自助區,又有甜品師駐場,質素直逼酒店!有海膽壽司、鵝肝和牛燒、長腳蟹等供客人任食,最吸引的是在自助區有日本直送的「金目鯛」和「池魚王」,這兩種魚在日本餐廳起碼要過百元才有幾片,是名副其實的貴價魚。放題的食物種類多,有刺身、壽司、燒物、料理、鍋物等共有接近六十款。另外,餐廳提供 30 多款自製甜品,更有甜品師傅駐場,即席用朱古力寫上食客自選的字句,為朋友慶祝生日啱晒!

自助餐區有壽司如金目鯛、池魚王、日本鮫魚等,師傅會把金目鯛製成火炙壽司,池魚王則會配薑葱食。

海膽赤蝦、黑松露油甘魚、三文魚腩燒、鵝肝和牛燒等十幾款壽司、火炙,全部即點即做,味道鮮甜高水準。

師傅即席揮毫在願望球的碟上寫生日祝賀字句。

地址:尖沙咀金巴利道26號1樓
電話:3622 3000 / 3622 3009
供應時間:分 2 場,6pm-8:30pm、8:45pm-11:15pm
收費:星期一至三成人$298、小童$178,星期四至日、公眾假期及前夕成人$318、小童$178
切餅費:$100(客人自己切蛋糕可免切餅費)
平均消費:$300
備註:設加一,收信用卡

2) 水土優質濟州菜 | 漢拏山烤肉

一般韓烤店的豬肉多用荷蘭、德國貨,質素平平,食落間間差不多!此店則主打濟州島盛產的名物黑毛豬,由於濟州當地不論空氣與水質都特別好,黑毛豬又用自由放牧方式飼養,肉質結實有彈性,加上當地屠豬會以特有的煙燻方式處理,豬肉不羶之餘還有種特別的香氣,不過成本亦比一般豬肉貴三、四倍,故一般韓食店甚少採用,而此店定價竟與坊間韓烤店相若, 真要食返夠本。另外,特色漢拏山炒飯亦是另一焦點所在,以濟州島漢拏山外形為藍本,吸睛度高!

厚切濟州島黑毛豬肉 $180,厚切可感受到豬肉燒得外焦內香又Juicy,相比起薄切,令肉味更濃、有嚼勁,脂香豐富而不膩的優點更突出。

漢拏山炒飯 $220,外形獨特,炒飯加入海鮮、紫菜、蛋漿及芝士,口感煙韌,芝士迷不能錯過!

案板白切肉 $160,豬腩肉以自製的白滷水煮足 4 小時, 軟腍入味,膠質豐富,用紫蘇葉、浸過鹽水的大白菜等包著吃增添清爽感。

地址: 銅鑼灣駱克道 491-499 號京都廣場 2 樓
電話:2456 2238
營業時間:星期一至日 11:30am-12mn
切餅費:免費
平均消費:$300
備註:設加一,收信用卡

3) 霸氣刺身丼藏驚喜 | 弘CHIRASHI

港女十之八九都特別鍾意食魚生刺身,諗爆頭唔知搵邊間日本餐廳食好?東京築地極受歡迎的超巨型刺身二段丼,原來早已登陸香港。所謂二段丼,就是將丼飯分成上下兩碗,上層是刺身,下層是飯再鋪上刺身。聽落無咩特別,見過才知極震撼!人氣熱賣的蟹極二段丼,用上原隻北海道松葉蟹,上層蟹蓋釀入蟹肉、蛋汁、芝麻和小量米飯再燒製而成,下層插上蟹腳、鋪滿蟹膏,用來撈飯食,很邪惡。加分位在於下層暗格位可放入禮物,條橋雖然娘,但最緊要受落!份量屬於巨無霸級別,但兩人share來食剛好。

弘陀陀定食 $188(只於晚市供應),手掌般大的銀鱈魚煎得外脆內嫩,伴上沙律、冷烏冬、炸飯糰、雜菌和麵豉炸豆腐,一次過滿足你幾個願望。

蟹極二段 $288,落足重本用盡全隻松葉蟹,燒蟹蓋味道偏淡,宜先食,接著再以下層濃味的蟹膏和蟹腳肉拌飯同食,齒頰留香。

蟹蓋燒至色澤金黃色,蟹肉和米飯亦釀得飽滿;暗格位可放入小禮物,如:戒指、頸鏈等。

地址: 灣仔灣仔道 221A 號
電話:2861 3001
營業時間:12nn-3pm;6pm-11pm
切餅費:$50;四位以上免費
平均消費:$300
備註:設加一、收信用卡

4) 萌爆卡通人物炒飯 | 秋田鐵板燒刺身專門店

這鐵板燒店,除一般海鮮、和牛大路食材之外,還有個即製卡通人物炒飯,師傅花約 15 分鐘內就砌好,尚算相當快手,炒完有大大個公仔樣,還可要求用蛋漿寫上祝賀字句,最後可以走入廚師位扮炒飯呃Like,慶祝生日就夠晒Surprise!晚市價錢$668一位,價位算高,不過一分錢一分貨,食齊燒鵝肝、和牛、約 1 斤重的伊勢龍蝦、卡通造型炒飯及豆沙包,有得睇有得食,都算合理。

師傳表示都會有客人要求特別,要炒真人的卡通版,難度較高,像真度亦會差點,最好選擇動物圖案。

梳乎蛋/鬆弛熊/迷你兵:以炒飯、蛋、葱花、櫻花蝦、黑魚子等食材組合而成,所以色彩上都有局限性。最好搵張圖畀師傅望望,一般大路的公仔,師傅都炒慣炒熟。

火燄龍蝦,加入龍蝦膏煮成.醬汁將肉炒香, 火燄效果係最後先出; 龍蝦肉.肉質不算太爽,但有好香牛油味同酒味。

地址: 尖沙咀諾士佛臺 15 號地舖
電話:2721 0228
營業時間:星期一至日12nn -3pm、6pm-12mn
切餅費:免費
平均消費:$750
備註:設加一,收信用卡

5) 大人細路齊食兒童餐 | J-point CAFE

這樓上Cafe 走日系路線,主打多款造型精緻的「大人的兒童餐」,一放上枱絕對會令大人小朋友都大叫「Kawaii 」,而且相機實要食先!特別推介「甜睡的小熊家族」,蛋皮上可為你寫上祝賀字句(加$15),絕對有驚喜!最新的「愛麗絲夢遊仙境」,Detail 位則最見心思!菜式主要用上日本優質食材,質素味道叫人滿意!細心位是卡通造型之接駁位用上蕎麥麵,而不是牙籤,唔怕小朋友會拮親,食得開心又放心!提提你,因「大人的兒童餐」之食材要特別處理,製作亦需時,為免撲空,所以記得一日前預訂呀!

「愛麗絲夢遊仙境」套餐 $308(2 人用,連湯、甜品、飲品)白飯、香腸製成小兔、愛麗絲頭髮是撈麵,還有多士造的啤牌,可愛得很!在蛋皮時鐘下,有窩夫殼裝上燴肉,可撕下窩夫沾汁來吃;加上外脆內軟的炸蠔,推介!

「甜睡的小熊家族」套餐 $288,2 人用,連湯、甜品、飲品。用雞蛋沙律、飯和可樂餅弄成小熊造型,香腸製成八爪魚形,揭開蛋「被窩」,原來有數隻焗雞翼,還配上咖喱汁送飯!

小熊版法式西多士:隨「甜睡的小熊家族」套餐送上,西多士吸收了蜜糖的味道,甜度得宜,配合肉桂蘋果粒,更香口。

地址:旺角煙廠街 9 號興發商業大廈 404 室
電話:2374 2375
營業時間:星期一至五 2pm-1am、星期六至日 1pm-1am
切餅費:$30
平均消費:$150
備註:設加一,只收現金

下一頁:5月限定|生日/飲食優惠推介 +8大全年玩樂優惠

延伸閱讀:

慶祝指南 | 生日飯 50 ideas | 6 大甜品店推介

慶祝指南 | 生日飯 50 ideas | 3 大派對靚場地推介