香港迪士尼 Star Wars 6月報到!今個夏天,迪士尼 將會同《 星球大戰 》合作,推出 3 大娛樂項目, 6 月 11 日就有得玩!無論你係 迪士尼 迷定 Star Wars 迷都包你會玩得盡興!即睇今個暑假有咩玩啦!

01)  「星戰極速穿梭」重新演繹飛越太空山

「飛越太空山」將會以新形象同大家見面!大家將於輪候位置見到 1:1 的X-wing戰機同機師飛行服,完全置身反抗軍的世界,大家可以化身驍勇善戰的機師,完成上將指派的任務,進入《星球大戰:原力覺醒》的場景。

02)  角色現身「星球大戰 : 指揮站」

Star Wars 角色 Wookiee 傳奇戰士 Chewbacca 與機械人R2-D2 將首次現身於香港迪士尼,於明日世界的「星球大戰 : 指揮站」和大家見面拍照!

03) 第一部隊 現身巡邏偵察

黑暗勢力第一部隊 Phasma 隊長亦會進駐「明日世界」巡邏,大家打醒十二分精神,睇下撞唔撞到佢哋!

04)  香港獨家!「絕地聖殿武士特訓」

6 月 25 日起,迪士尼就會開始招募小武士(4 至 12 歲)接受絕地武士的訓練,小朋友可以嘗試以光劍展開激戰!

05) 周邊商品及食品

配合Star Wars主題,迪士尼仲會推出一系列相關的美食,大家入場記得要試一試!此外,太空驛站還推出了 230 款主題商品,入場仲可以親手製光劍,夠晒獨一無二。

酒店都有星戰主題房!

如果將會入住迪士尼酒店,只要於指定期間訂房,就可另加$600享用《星球大戰》主題房佈置,有主題門貼裝飾、拖鞋及曲奇等,星戰迷必住!