1881聖誕裝飾被指歷年最差好肉酸　紅色拱門＋心心超老土　網民：周圍都唔靚

一年容易又聖誕，聖誕節指定動作梗係去睇燈飾，順便打個卡UP相上Instagram呃下like 都是必須的。但係香港零售業喺疫情既影響下，商場放喺聖誕裝飾的預算似乎唔多，要搵似樣少少嘅燈飾都唔容易。最近有網民於社交媒體Facebook 的群組「香港風景攝影會」發帖文，上載多間商場的聖誕燈飾，指今年不少佈置都愈見簡陋，尤其1881的簡約聖誕風更被網民稱「歷年最差」，認為為了節省成本而犧牲美感。

聖誕燈飾簡約的裝飾未能突顯心意 — 簡約的裝飾未能突顯心意（圖片來源：fb@香港風景攝影會截圖）

港人彈1881聖誕燈飾為「歷年最差」　心心拱門好簡陋：慳皮到爆！

網民在社交平台分享指，今年尖沙咀1881的戶外聖誕裝飾只得約一層高的聖誕樹，旁邊有兩個設有心型擺設的拱門，認為設計簡陋，指一句說話已可總括觀感 ——「簡約節儉」。與上年1881的「巨型松鼠聖誕打卡位」聖誕裝飾作對比，大家都認為松鼠題材的設計更具心思，稱「去年聖誕裝飾超美」、「比較去年松鼠主題今年遜色很多」、「今年燈飾幾醜吓」，建議商場「搵塊布包返住佢算啦」。

聖誕燈飾網民提議：「搵塊布包返住佢算啦」 — 網民提議：「搵塊布包返住佢算啦」（圖片來源：fb@香港風景攝影會截圖）

聖誕燈飾而且只有這個3色拱門 — 網民指1881的紅色拱門看起來一點也沒有設計感（圖片來源：fb@香港風景攝影會截圖）

海港城獨角獸主題被指似長洲搶包山　網民：勁靚囉

另有網民發帖，批評以「旋轉獨角獸樂園」為主題的尖沙咀海港城聖誕裝飾，戶外幻彩聖誕樹「日頭無乜意境咁」，對比晚上閃閃發光的表面，觀感完全不一樣。更有網民誤以為是長洲的包山或者以為是作祭祀用的，「我第一眼望既時候，以為係祭祀」、「我睇以為包山嚟」。不過亦有網民護航，指「日頭睇乜都無夜晚咁靚㗎啦，搵嚟講，人哋就係著燈勁有Feel」、「今年都好有夢幻感覺喎，你見過邊到祭祀有咁靚」。

聖誕燈飾「閃閃星燈」七彩繽紛 — 「閃閃星燈」七彩繽紛被網民指似搶包山（圖片來源：fb@香港風景攝影會截圖）

聖誕燈飾連同樓梯都充滿聖誕氣氛 — 但現場其實充滿聖誕氣氛，與往年相約（圖片來源：fb@香港風景攝影會截圖）

Megabox梵高主題

位於九龍灣的Mega Box 今年以「梵高沉浸式體驗展」為題的佈置，富有藝術感的梵高畫作加上一個鏡面打卡位，美輪美奐的畫面相當搶眼。不過搶眼又不代表會得到普羅大眾認可，網民指原意相當不錯，但「嗰幾朵太陽花真係唔啱Feel，揀得唔好」、「硬係有種俗氣滲出嚟」、「凡夫俗子真係唔識欣賞」、「夏日太陽花配搭冬天聖誕樹，呢個combination好咩？」。