新年指定動作當然是行年宵,除了感受新年熱鬧氣氛,第二個重點就係睇下有咩得意有趣的商品啦。因為每年年宵,檔主們都會各出其謀,實行要令你唔買唔得。維園就是全香港最大的年宵,驚買漏好野,就要留意以下的必買items,做定功課。

01) 香港彈起創意揮春、年曆

維園109號檔:愛在大街小巷中找你

主打香港本土風情嘅「愛在大街小巷中找你」今年繼續發揮創意,除咗有打工仔最愛「瞓到自然醒」揮春,仲有勁靚立體年曆,同 1:1 石油氣咕?,咁有本土味,點可以唔支持下!

02) 保育又貼題 蜂猴產品勁 cute

維園年宵No.58:MoneyTree 搖猴樹

搖猴樹是一班年青人利用2個月時間設計,以瀕危動物蜂猴為主角,眼大大造型可愛。產品切合猴年主題之餘,亦希望帶出保育的信息。

03) 一袋一故事 懷舊味勁重

維園年宵No.216:Hello Stranger

Hello Stranger以售賣布袋為主,每款布袋的設計都是關於一個城市故事,表達設計者的想法。比較特別的款式有格仔紙設計的布袋,充滿懷舊味道。

 

04) Dear Boss,其實我想同你講…

維園年宵No.297:MINE

MINE 繼前年之後,今年都加入年宵戰團,以Dear Boss為主題,設計出一系列商品,包括手機殼、布袋等。產品更加上打工仔想同老闆講的說話,係咪好有共鳴呢?平時不敢講,不如就買個返去啦。

 

下一頁: 更多年宵必買產品 懷舊文青產品介紹

05)  以文字為賣點 我的文青時代

維園年宵No.103:我的文青時代

近年香港都好興一些文青短句,總有某些句子可以引起大家共鳴。我的文青時代的產品就以文字為賣點,推出一系列的Tote Bag、手機殼,自問是文青的你一定要去。他們扣除成本後的收益,還會撥捐「兒童癌病基金」。

06) 話題性自家tote bag

維園年宵No.188:小時猴

《小時猴》 推出的產品除左有猴年公仔、巨型攬枕的造型都好特別,有大香蕉同香港本地美食菠蘿油。另外,仲有自家tote bag,仲以近排最熱門的題材為設計賣點,好似爆紅坤哥的名句「上年我係一隻棋」,夠曬話題性。

07)  孭住支藥出街

維園年宵No.96:小華製藥

同樣都是由理大學生組成的年宵攤檔,賣的就是大家都好熟悉的藥品。平時用就用得多,設計成一個斜孭袋比你孭出街,實未試過啦!

08)  No.11 Collection

地點:維園年宵No.223:No.11 Collection

年宵都有cafe出現,No.11 Collection就以cafe為主題,設計左多款飾物,好似有cupcake造型的鎖匙扣、磁石貼。全部產品都是人手自己印製,每日仲會有不同食物推出,包你有驚喜。

Facebook: no11collection

09) 攬得嘅 ZooKeeper

維園166號檔:cityzooper

今年其中一個注目檔定係CityZooper !佢哋將 ZooKeeper 入面嘅動物化為勁cute咕?,仲有膠 file、襪同孖煙通,不過其臉書就狂畀人問「是否正式授權產品」!