港女爆粗鬧的士司機兜路兼擅行大欖隧道　車Cam揭真相後死撐：我點會咁蠢

港女搭的士爆粗鬧司機行大欖隧道　車Cam公開後仍死撐：總之你唔啱！

昨日（12月4日）有網民於YouTube頻道「香港新聞突發時事合集」上載一條以「港女乘客投訴的士司機走大欖隧道，司機稱已詢問，並公開車cam錄音證清白」為題的3分52秒影片，吸引大量網民討論。片中可見當時的士在高速公路上向「大欖隧道」前往，港女乘客發現後即表露不悅，更「爆粗」投訴指「咁我咪貴咗好X多，你咁樣兜」。司機聽罷感愕然，並指「我頭先真係問咗你㗎喎」，港女反駁：「咪行屯門囉，我講咗。我點會咁X ON X，X你老X，我返天水圍，行元朗畀個大欖，之後再兜返落天水圍啊？」。此是司機發出笑聲表示無奈，港女乘客繼續大炮連珠鬧司機：「你仲要屈返我轉頭囉！我真係好X着（憤怒）囉！」

港女稱「邊個聽到話要行大欖」？　司機EQ極高回應

司機冷靜的向港女提出建議，指「妳如果覺得我係屈妳呢，我轉頭返去WhatsApp send返條片（行車記錄器片段）畀你好唔好？」，港女則重覆指「我會唔會咁x on x，我x你老x，我鍾意，我錢多啊？我鍾意行隧道元朗兜返去天水圍啊？咁好x明顯係屯門啦」。司機表示只是跟隨客人的意願：「有咩明唔明顯啫，我問你，你答屯門咪得囉，如果妳係屯門」，港女反問：「咁係邊個聽到我（話）行大欖先？邊個聽到先？」，司機理直氣壯回應：「左耳聽到，右耳聽到，個cam都聽到，ok？」。

港女瘋狂問候司機家人　車Cam證司機問「大欖」定「屯公」？

翻查車cam片段，當時顯示事發時間為12月3日的晚上7時多，一名港女乘客由一上車便得到司機的詢問，選行大欖隧道還是屯門公路，港女第一次未有回應，司機再問多一次：「大欖定屯門公路？」，港女乘客隨即回應：「大欖啊」，得到回應後司機就立刻開車，在車cam全公開之後立刻真相大白。

錄音證事實後仍死撐　港女：你點會咁問㗎？

即使得知有車cam證明事實，港女仍繼續自言自語：「得啦得啦得啦……得得得得得！x你老xx，愈諗愈x嬲啊嘛，你諗住當我傻㗎？」、「得喇，唔好x再吠」。在車廂回復一刻的平靜時，港女繼續以粗口問候司機：「有錄音？x你老x，你搵x返啊，x你老x，我傻㗎？咁如果唔係呢？」，司機堅定的回覆，以表清白：「無如果唔係，因為你絕對係啊，無呢個如果」，港女繼續以粗口咒罵：「x你老xx，你好似好等錢使喎，你屋企人係咪有事啊？係咪生cancer啊？」

隨後更有一張懷疑是司機向女乘客傳送「車cam」片段的WhatsApp對話截圖，港女知悉自己有一開初上車時選行「大欖隧道」後，亦未有認錯，更「死雞撐飯蓋」，反批評司機「x你老x，你正常司機好x明顯係唔應該行大欖啦，你點會咁x樣問架，x街，你好x窮啊？x你老x臭x，就係你嘅問題啦，總之」。

網民大讚的士司機有禮貌：窮就咪搭的士啦

影片一出引來網民的熱烈討論，一面倒都支持的士司機，大撐司機有禮貌，「呢件事的士司機無錯」、「司機幾好禮貌」，更指責港女真是一名「西客」，「自己錯先咁x惡」、「不知所謂的女人」、「無恥先最恐怖」、「呢啲咁嘅人就算即場播返cam畀你睇咪又係唔會認錯。無知唔可怕，無恥先最恐怖」、「行大欖，快但係收隧道錢，行屯公，耐少少但係公路，正常人都問啦」、「最短路線咪就係行大欖囉」、「窮就唔好搭的士，唔識就問有乜分別」。