最近小弟去咗韓國濟州旅行,由於濟州冇地鐵,對旅客嚟講,交通唔算太方便。於是決定做咗一個飲醉酒先夠膽做嘅決定,就係自駕遊!我對上一次開車,係2013~2014年去澳洲working holiday,嗰段日子就算落街買個麥記都要堅持揸車,因為實在太方便……聽人講熟悉咗揸車嘅感覺,就算隔幾耐再揸都唔會有問題。

但真正嘅問題來了!韓國同香港道路最大分別,就係香港、澳洲都係右軚車,而韓國就係左軚車!再加上,韓國交通規則同香港有少少分別。由於左軚車嘅關係,幾乎所有規則都同香港掉轉,對於揸開車嘅人可能會有啲唔慣。如果大家都有興趣自駕遊,以下幾樣係去濟州需要留意嘅事項。

韓國濟州自駕遊 6 大注意事項!

01 | Google Maps無法導航

呢個係濟州自駕遊最大嘅困難,由於國家問題,Google Maps大神去到濟州導航功能會失效!而租車公司提供嘅GPS,只得韓文搜尋(但會有英文語音)。

如果唔識韓文,唯一方法就係用電話號碼去搜尋目的地。如果你想去嘅地方主要係睇風景,惟有用幾個韓國專用地圖apps,搜尋附近嘅餐廳旅店。

02 | 香港:左上右落 濟州:左落右上

由於濟州公路都算繁忙多車,但放心,其實唔算太難適應,照道理唔會出現「對頭車」情況。如果唔想記左或右咁麻煩,只需要記住「司機位永遠近馬路中央」,咁就唔怕會搞錯。

03 | 睇唔明紅綠燈

呢個亦係香港同韓國的最大分別,香港交通規則紅燈一定唔可以過,但好多左軚嘅國家,就算紅燈,只要喺安全情況下都「可以轉右」。

04 | 小巷對頭車

除咗雙線行駛嘅大路,好多小巷都會出現對頭車,所以千祈唔好開得太快,因為馬路兩旁大多數都泊滿晒車,間唔中仲有行人衝出馬路,所以駛入小巷一定要留心。

05 | 十字路口要小心

濟州有非常多十字路口,有時仲會出現「*」形嘅路口,剩係分清楚邊一支紅綠燈已經有啲困難。惟有小心睇足地面箭嘴,睇清楚自己行緊嘅行車線能否左轉或右轉。

特別要留意嘅係,如果你需要左轉,紅綠燈會有特別嘅「左轉指示」。

06 | 違例泊車

濟州郊區大多有停車場免費泊車,但市區就需要畀停車場費用,雖然見到好多車都求其泊喺路邊就算,但安全起見,都係畀少少錢泊停車場安全啲。

總結:
如果你忍受到香港的壓力開車方式,起步慢半秒都被人「砵」,開慢少少就會被插線爬頭,咁你絕對適合喺濟州開車。因為韓國人開車一樣咁心急,轉線左穿右插嘅情況仲勁過香港。但安全為上,保持住「佛系」心情,由得人哋爬頭,由得人哋「砵」,始終會到達目的地。

下一頁:慘痛經歷!自駕遊澳洲庫伯佩地,千祈唔好惹原居民「阿布」……

最新的韓國入境要求詳情?

韓國宣布即日起至2月底,所有來自香港及澳門航班必須使用仁川國際機場降落, 即睇:韓國入境最新要求限制。在入境日本前,建議也可買定韓國電話卡,部分更有通話功能,以及選定心儀酒店

韓國首爾有什麼好玩推薦?

首爾美食多籮籮,即睇美食推介,而醬油蟹絕對是其中一樣必食美食;一人旅遊到首爾不知到哪覓食?大可到訪首爾可以一個人用餐的人氣獨食餐廳。玩樂方面,滑雪是不可錯過的活動,5大滑雪場適合新手一日遊,亦可到樂天世界大玩遊樂設施及韓服體驗。另外,也可用幾日時間到釜山玩返轉,即睇首爾去釜山交通懶人包。準備到首爾賞櫻花的大家,可預先一看首爾櫻花預測及賞櫻地點推介