日本零食差不多日日都有新嘢!今個2月又有好多新零食等住你試,媽呀~太多得意又好食嘅野,都唔知點揀!全部買晒返去至算啦!

01)  Tirol-Choco一口檸檬芝士蛋糕

日本國民朱古力品牌一向出開四四方方細細粒,口味多多嘅朱古力粒。最近佢地就推出左檸檬芝士蛋糕味嘅朱古力粒,口味唔算特別,但最特別嘅係可以放入焗爐度焗!只要焗1分30~45秒,就即刻變左真正嘅芝士蛋糕!網民話焗到朱古力個面微焦,融融地,加埋底下啲餅乾碎,完全重現一舊芝士蛋糕在眼前呀!不過一粒得一啖,唔知要焗幾多粒至夠喉呢?

【發售地方】日本全國便利商店、超級市場
【發售日期】2月2日
【價格】32YEN(含稅)

02) Circle K 限定綠茶豆乳饅頭

食得多咸嘅肉包,有時都想食啲甜甜地,但熱辣辣嘅包。Circle K 就出咗隻獨家嘅綠茶豆乳饅頭,入面啲饀係由用宇治抹茶整嘅Cream,同用 Kikkoman 嘅調製豆乳整嘅豆乳 Cream 製成,味道意外地濃厚。

【發售地方】日本Circle K
【發售日期】2月2日
【價格】130YEN(含稅)

03) 爽雪糕系列~士多啤梨果粒乳酪味

有時凍冰冰,喺開行暖氣嘅地方食返杯雪糕都真係幾爽。講緊嘅係樂天出名有細緻沙冰口感嘅爽雪糕系列,今個月將推出全新口味:士多啤梨果粒乳酪味。帶微酸嘅乳酪雪糕顯得士多啤梨肉格外香甜,鐘意清爽口味雪糕嘅朋友必試!今次樂天仲改革左開封方法,由以往喺個角度撕開,改左喺中間度開,更加 User Friendly!

【發售地方】日本全國便利商店、超級市場
【發售日期】2月8日
【價格】130YEN(未含稅)

04) 濃厚士多啤梨比利時朱古力味雪糕筒

冬天真係士多啤梨嘅天下,樂天嘅另一個脆脆雪糕筒系列 Zaku Rich 都會推出新口味:濃厚士多啤梨比利時朱古力味。面頭一層士多啤梨果肉朱古力薄片,對落一層濃厚比利時朱古力味雪糕,最底下就係士多啤梨味雪糕。 呢隻雪糕筒出名細細支易揸手,食左都仲有位試下其他零食。

【發售地方】日本全國便利商店、超級市場
【發售日期】2月15日
【價格】160YEN(未含稅)

 

05) Haagen-Dazs 新春花果味雪糕

今個月除左香港嘅 Haagen-Dazs 推出花果味雪糕外,日本嗰邊當然都有新出品啦!將會推出嘅2隻新口味係玫瑰果桑莓味同薰衣草藍莓味,一隻酸酸甜甜,一隻就帶濃郁嘅薰衣草花香,啱晒同另一半分享。

【發售地方】日本全國便利商店、超級市場
【發售日期】2月9日
【價格】各272YEN(含稅)

下一頁:好評如潮載譽歸來的人氣零食

06) 卡樂B春季限定櫻花牛油味薯片

日本嘅春天又點少得櫻花啊,正當其他品牌都搶閘推出櫻花產品,卡樂B 都推出左櫻花牛油味嘅薯片喇!今次就用咗厚切薯片咬落較有口感。暫時只有限定地區發售,唔係度度有架。

【發售地方】九州、中國及四國嘅便利商店、超級市場
【發售日期】2月1日(九州)、2月22日(中國及四國)
【價格】120YEN(含稅)

 

07) 日本酒味KitKat

而家各個品牌都好積極咁研發日本口味嘅零食,但嚟嚟去去都係綠茶櫻花味,食到有啲悶的話,可以試下日本酒味嘅 Kitkat。9粒裝嘅齋睇包裝真係以為有成支酒喺入面,而且係的的確確含有 0.8% 嘅酒精,唔係揸流灘架。網友試過都話一打開就好大陣酒香味,索性整碎佢放落個酒杯度,當自己真係飲緊酒添呀!

【發售地方】日本全國各大手信店
【發售日期】2月1日
【價格】700YEN(含稅)

 

08) 數量限定 Kiri 濃厚 Cream Cheese 雪糕再登場

Lotte上年11月第一次推出 Kiri 濃厚 Cream Cheese 雪糕,好評如潮,單係 2 個星期就已經賣出左 50 萬杯。呢隻雪糕用咗 14.5% 嘅 Kiri Cream Cheese,芝士味極濃!夾埋麵包、Pancake、餅乾曲奇黎食又得,想健康D加D蜂蜜同生果落去食都得。今次載譽歸來,仲要係數量限定,上次食唔到嘅朋友,記住搶購返杯喇!

【發售地方】日本全國Lawson
【發售日期】2月16日
【價格】195YEN(含稅)

 

09) 人氣PABLO芝士撻雪糕批

PABLO 雪糕系列已經出到第 4 彈喇!今次就以雪糕批嘅形式再現流心芝士撻嘅口感。用咗真正芝士撻會用嘅 Cream Cheese威化皮就好似撻皮一樣咁鬆脆,再額外加上杏桃醬,完美地呈現出人氣芝士撻嘅滋味。

【發售地方】日本全國便利商店,超級市場
【發售日期】2月16日
【價格】160YEN(不含稅)

試食報告:PABLO芝士雪糕批

 

10) Haagen-Dazs 綠茶Crunchy Crunch再版

上年推出期間限定嘅 Haagen-Dazs 綠茶 Crunchy Crunch,今年又出喇!平時嘅黑朱古力皮,加咗綠茶落去,成支雪條都青BB,首先已經滿足咗一眾綠茶控嘅視覺享受先。編輯上年好彩食過,真係非常綠茶,又非常 Crunchy,今年都好想再食呀!

【發售地方】日本全國便利商店,超級市場
【發售日期】2月23日
【價格】294YEN(含稅)

延伸閱讀:

東京迪士尼海洋|15週年慶限定商品

車廂都有得用 | 東京地下鐡免費Wi-Fi登錄前5個QnA

東京出發 | 河津櫻日歸旅行交通攻略 

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡