森美旅行團3》東京篇中4大主持在玩室內滑浪,吳若希及麥美恩就犧牲色相,分別以大媽「面堅尼」示人,不過她們都不夠真正強國大媽有強大的時尚配搭。早前駐港德國攝影師 Philipp Engelhorn 最為人熟悉的作品,就是一系列名為「QINGDAO BEACH NO.1」的泳裝圖輯。拍攝地點位於青島「海浴場」(即係我哋嘅海灘),花了 8 個清晨拍攝,就捕獲無數造型奇特的蒙臉大媽「面堅尼」。

這一款為防曬兼且防避水母突襲的「面堅尼」,不但於大陸受追捧,甚至全球都非常馳名,只不過一次過睇晒咁多款式,又確係令人大開眼界!除咗水手服造型,仲有來自京劇概念臉譜,真係層出不窮,冇十足自信,都冇資格笠上臉,保證睇一次笑一次!

請逐格欣賞大圖(唔好驚):

衝出強國 揚威國際!

更驚心版本重溫!

由於外界「追捧」曲直難分,青島海灘公布的「更新版」面堅尼竟然接連多年成為傳統,當年夏季的全新款式,甚至放棄中年大媽,找來瘦身女model示範,沒有了穩重身形加持,仍然不乏「驚」喜--

撐「一帶一路」 青花瓷笠上腦!

今季特色是採用青花瓷意念,設計師表示「圖案凸顯中國文化、象徵古代東西方陶瓷貿易」,高度配合中央國策,宣傳「一帶一路」,農曆七月喺海邊見到,都咪話唔驚!